Að hræðast lýðræði
Frá lýðveldisstofnun hefur staðið til að endurskoða Stjórnarskránna og gera á henni ýmsar endurbætur. Stoppað hefur verið í og stagbætt í gegnum tíðina en heildarendurskoðun hefur hingað til ekki náð fram að ganga.
Í ársbyrjun 2005 skipaði þáverandi forsætisráðherra, Davíð Oddsson, nefnd til þess að endurskoða Stjórnarskránna. Verkefni hennar var metnaðarfullt og var hún skipuðum fulltrúum allra flokka, ásamt því að hafa sérfræðingateymi sér til halds og trausts.
Fulltrúar flokkanna voru hins vegar fyrst og fremst pólitískir varðhundar þeirra og sátu flestir á þingi. Til nefndarinnar var einnig stofnað skömmu eftir að heiftarleg átök höfðu orðið um túlkun Stjórnarskrárinnar og þá sérstaklega um valdheimildir Forseta Íslands í kjölfar þess að hann hafnaði alræmdum fjölmiðlalögum staðfestingar.
Fór það svo að nefndin, þrátt fyrir að hafa skilað af sér veglegri skýrslu og starfað undir traustri forystu hins mæta Framsóknarþingmanns og fyrrverandi ráðherra, Jóns Kristjánssonar, gat ekki komið sér saman um neinar meiriháttar breytingar á stjórnarskránni. Ein tillaga var sett fram til breytinga er laut að möguleika til framtíðarbreytinga á stjórnarskránni með þjóðaratkvæðagreiðslum, án þess að til þyrfti að koma þingrof og nýjar alþingiskosningar, ef aukin meirihluti fengist til þess á Alþingi.
Má segja að með þeirri nefnd hafi verið fullreynd sú leið að láta starfandi stjórnmálamenn eftir að sinna umskrifum og endurbótum Stjórnarskrár lýðveldisins.
Það er meðal annars þess vegna sem Framsóknarflokkurinn samþykkti á flokksþingi í janúar síðastliðnum að kjósa ætti til sérstaks stjórnlagaþings. Mikilvægasta grunnskjal íslensks lýðræðis og íslenskrar stjórnskipunnar á ekki skilið að vera sífellt haldið í gíslingu dægurþrass og valdverndar starfandi stjórnmálamanna. Því er það hin lýðræðislega leið, sem að auki er samboðin þeim sérstaka virðingarsessi sem við öll viljum að Stjórnarskráin hafi, að heildarendurskoðun hennar fari fram á sérstöku stjórnlagaþingi.
Það er lýðræðisleg leið og það á ekki að hræðast lýðræðið.
Sindri Sigurgeirsson
Skipar 3. Sæti Framsóknarflokksins í NV-kjördæmi
Fleiri fréttir
-
Nú fer hver að verða síðastur að sjá Ferðin á heimsenda
feykir.is Austur-Húnavatnssýsla, Lokað efni 07.04.2025 kl. 15.36Nú fer hver að verða síðastur að skella sér í leikhús á Blönduósi og sjá Ferðin á Heimsenda eftir Olgu Guðrúnu Árnadóttur í leikstjórn Sigurðar Líndal. Síðasta sýningin verður á morgun þriðjudaginn 8. apríl og hefst hún kl.17:00 í Félagsheimilinu á Blönduósi.Meira -
Skagaströnd tryggð fjarskipti um gervihnattasamband
feykir.is Austur-Húnavatnssýsla 07.04.2025 kl. 14.05Míla hefur komið á varasambandi um lágsporbrautargervihnattasamband á Skagaströnd til að tryggja að neyðarsímtöl geti borist af svæðinu ef ljósleiðaraslit á sér stað. Skagaströnd er eitt þeirra sveitarfélaga á Íslandi sem eru eintengd með einum ljósleiðarastreng. Ef tengingin slitnaði, eins og hefur gerst nýlega tvisvar sinnum í vondu veðri, var samfélagið nánast skilið frá nútímanum og sett aftur um hundrað ár í tímann hvað varðar samskipti. Þetta kemur fram í fréttatilkynningu frá Skagaströnd.Meira -
Karlakórinn Heimir söng fyrir fullri Langholtskirkju
feykir.is Skagafjörður, Listir og menning, Lokað efni 07.04.2025 kl. 13.24Heimismenn hafa verið á faraldsfæti að undanförnu og héldu austur á land í marsmánuði og nú um liðna helgi héldu þeir tvenna tónleika á stórhöfuðborgarsvæðinu, þá seinni í Langholtskirkju sem rúmar um 400 manns. Það er Skagfirðingurinn Jón Þorsteinn Reynisson sem stjórnar kórnum. „Frábærir tónleikar í Langholtskirkju, hvert sæti skipað og fullt hús! Kórinn þéttur, samhentur og mjúkur í senn,“ segir Króksarinn Björn Jóhann Björnsson í færslu á Facebook.Meira -
Brynjar Pálsson | Minning
feykir.is Skagafjörður, Minningargreinar 07.04.2025 kl. 13.21Pabbi og mamma fóru að draga sig saman sumarið 1954. Hann þá 18 ára, nýkominn heim af Vellinum og nógu auðugur, eftir á annað ár þar, til að geta keypt sér gamlan Willis-jeppa af Hermanni á Lóni með númeraplötunni K217. Það var kannski ekki gott að mamma var að stinga af í húsmæðraskóla til Silkiborgar í Danmörku og skildi hann eftir á Króknum einn vetur. Ekki löngu áður en mamma dó, fyrir tíu árum, fundum við veskið sem hún hafði farið með út en inni í því var svarthvít mynd af kærastanum. Hún brosti og sagði, með blik í auga, að vinkonur hennar hefðu haldið að hann væri kvikmyndastjarna. Hún var enn skotin í honum.Meira -
Styrkir til eflingar hjólaferðaþjónustu á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 07.04.2025 kl. 12.26Á vef SSNV segir að þetta styrkjakerfi SUB er hannað til að styðja við lítil og meðalstór fyrirtæki (SME), sem sinna hjólaferðaþjónustu og hjálpa þeim að styrkja starfsemi sína og auka viðskipti sín. Hver styrkur, nemur allt að € 5,000, - (ISK 725.000,-) og má notast fyrir virðisaukandi þjónustu eins og að ráða utanaðkomandi aðstoð við markaðsherferð, þróa viðskiptamódel eða styrkja vörumerki o.s.frv. Að auki getur styrkurinn gert fyrirtækjum kleift að gera þjónustu sína meira aðlaðandi fyrir hjólreiðafólk og hjólaferðamenn.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.