Að gefnu tilefni – tekið undir réttmæta ádeilu
Sá ágæti maður Steinar Skarphéðinsson fer nokkrum vel völdum orðum um hækkun fasteignagjalda á Sauðárkróki í aðsendri grein í 8. tbl. Feykis nú nýverið. Ég vil í öllu taka undir málflutning hans, því nýlegar hækkanir fasteignagjalda á Skagaströnd eru að mínu mati hreint og beint óásættanlegar sem slíkar.
Má þar, að minni hyggju, sjá að tengsl forystufólks við almenna borgara geti býsna oft orðið svo lítil að það verði eins og fólk búi á sitt hvorri plánetunni, en ekki á sama stað. Það er bersýnilegt að það fólk sem bauð sig fram til ráðsmennsku á sveitarstjórnarbúinu við síðustu ,,ekki kosningar“ hér á Skagaströnd, ræður ekki við verkefnið og sýnir lítinn skilning og litla tillitssemi gagnvart hag almennings. Fjárhagsgæslan virðist vera með eindæmum léleg.
Hækkun fasteignagjalda bara frá því í fyrra er með ólíkindum og hafði gjaldaliðurinn þó verið þar áður verulega á uppleið. Í þjóðfélagsumræðu síðustu mánuða hafði verið rætt um að sveitarfélög færu hóflega í hækkanir til að leggja sitt til í baráttunni við að ná verðbólgunni niður. Reyndin er hins vegar sú að þar er að öllu öfugt farið.
Stjórnun þessara mála hér á Skagaströnd finnst mér verulega afleit og í raun undirstrika alvarlegan skort á hæfni þeirra sem eiga að sjá um þessi mál. Það er ekki nóg að bjóða sig fram til starfa fyrir almenning, fólk verður að geta sinnt slíkum störfum af skilningi, áhuga og ábyrgð. Þegar ráðsmennskan verður af því tagi sem hún virðist nú vera orðin hér, kemur fram allnokkur skerðing á þeim lífsgæðum sem virtust þó talin til staðar á Skagaströnd fyrir valdatöku núverandi sveitarstjórnar.
Lýsi ég mikilli óánægju minni með það hvernig þar er á málum haldið varðandi óboðlegar yfirgangshækkanir á gjöldum og tel ég þar illa vegið að almannaheill.
Ritað í marsbyrjun 2024.
Rúnar Kristjánsson
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.