30% fleiri sækja um í Vinnuskólanum en í fyrra
Miklu fleiri unglingar í 7.-10.bekkjum grunnskólanna í Skagafirði sækja um störf hjá Vinnuskóla Skagafjarðar í sumar en fyrri ár, eða liðlega 130 unglingar.
Allir sem sækja um fá vinnu. Ljóst er að þrengra er á hinum almenna vinnumarkaði en verið hefur og kemur það skýrt fram í þessum tölum. Vinnuskólinn starfar í 10 vikur á sumrin og er 10. bekkingum boðið að vinna í 8 vikur og fá 2 vikur í námskeið ýmisskonar, 9. bekkur fær vinnu í 7 vikur auk námskeiða, 8. bekkur í 5 vikur og námskeið . Allir vinna 6 klukkutíma á dag. Auk þess er 7 bekk boðið að starfa í 2 vikur á sumrin. Námskeiðin eru fjölmörg, t.d. sálræn skyndihjálp, listanámskeið ýmisskonar auk þess sem gera á sérstakt átak í að ná til þeirra sem hafa dottið út úr íþróttum. Framundan er annasamur tími því að Skagfirðingar ætla að halda Unglingalandsmót UMFÍ um verslunarmannahelgina auk þess sem fjölmörg íþróttamót önnur verða hér í sumar. Vinnuskólanum er sérstaklega ætlað að fegra þéttbýliskjarnana, Sauðárkrók, Varmahlíð, Hofsós og Hóla og með slíkan fjölda unglinga að störfum ætti það ekki að vefjast fyrir neinum.
Fleiri fréttir
-
Madagascar frumsýnt í Bifröst
feykir.is Skagafjörður, Lokað efni 20.03.2025 kl. 15.05Það var líf og fjör í Bifröst á Sauðárkróki í morgun þegar blaðamaður Feykis leit inn. Þar voru krakkarnir í 10. bekk í Árskóla að gera sig klár fyrir generalprufu en þau eru að frumsýna í kvöld leikritið Madagascar í leikstjórn Sigurlaugar Vordísar Eysteinsdóttur og Eysteins Ívars Guðbrandssonar og svo var það Emelíana Lillý Guðbrandsdóttir sem hannaði dansana.Meira -
900 þús. úr Hvatasjóði til Norðurlands vestra
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.57Á umfi.is segir að þrjátíu verkefni um allt land hljóta styrki upp á samtals 20,3 milljónir króna úr Hvatasjóði íþróttahreyfingarinnar. Þetta var í fyrsta skiptið sem veitt er úr sjóðnum, sem styrkir verkefni sem stuðla eiga að útbreiðslu íþróttastarfs og þátttöku allra barna á Íslandi. Næsti umsóknarfrestur verður nú í vor en alls eru 70 milljónir króna í sjóðnum árlega.Meira -
Mislitir sokkar til að fagna fjölbreytileikanum
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 14.43Á morgun er alþjóðlegur dagur Downs-heilkennis en 21. mars ár hvert er tileinkaður heilkenninu og honum fagnað víða um heim. Allsherjarþing Sameinuðu þjóðanna samþykkti árið 2011 að 21. mars ár hvert skuli vera Alþjóðlegur dagur Downs-heilkennis en eitt barn af hverjum sjö hundruð sem fæðast í heiminum er með Downs-heilkenni.Meira -
Lára Sigurðardóttir söng sig inn á Samfés
feykir.is Skagafjörður, Austur-Húnavatnssýsla, Vestur-Húnavatnssýsla 20.03.2025 kl. 13.38Síðastliðinn föstudag, 14. mars, fór fram Norður Org, söngkeppni félagsmiðstöðva á Norðurlandi, fram í íþróttahúsinu á Sauðárkróki. Var þetta í fyrsta skipti sem þessi keppni er haldin á Króknum og voru þar samankomin um 550 ungmenni frá félagsmiðstöðvum víðsvegar af Norðurlandi til þess að fylgjast með sínum fulltrúum spreyta sig á sviðinu.Meira -
Neikvæð áhrif innviðagjalds mikil á Norðurlandi | Arnheiður Jóhannsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.03.2025 kl. 13.12Áhrif innviðagjalds sem lagt var á skemmtiferðaskip fyrir ferðaþjónustuna eru orðin greinileg á landinu. Áhrifanna gætir með mismunandi hætti þar sem með svo skyndilegri gjaldtöku, falla áfangastaðir úr ferðaáætlun skipanna, helst þeir sem eru lengst frá suðvesturhorninu. Þetta hefur þær afleiðingar að á meðan það verður kannski 10% samdráttur heilt yfir í höfuðborginni, þá getur orðið tugprósenta samdráttur á öðrum stöðum á landinu. Í einhverjum tilfellum stefnir í að sumir áfangastaðir missi allar skipakomur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.