Leggið frá ykkur prjónlesið og reiðtygin – á laugardag ætla bleikliðar að skrifa söguna
Laugardaginn 16. september geta liðsmenn Kormáks Hvatar skrifað söguna. Sameiginlegt lið okkar sem búum sitt hvoru megin við Gljúfrá sendi fyrst lið til Íslandsmóts karla árið 2013 og hefur löngum spilað í fjórðu deild, þeirri neðstu þegar var. Fyrir tveimur árum reis liðið upp og komst í fyrsta sinn upp í þá þriðju (D-deild íslenska knattspyrnustigans). Í fyrra stóðst liðið þolraunir allar sem sterkari deild er, ásamt ytri aðstæðum ýmis konar, og hélt þar velli.
Í ár hefur Kormákur Hvöt svo sent úrtölumönnum innan héraðs og utan langt nef og náð á topp fjallsins, þvert á allar spár. Fyrir tímabil var liðinu spáð falli, eða í besta falli álíka sprikli rétt fyrir ofan eldlínuna og í fyrra. Liðið situr í 2. sæti þegar síðasti leikur tímabilsins er framundan. Í raun er það svo að liðið hefur setið í 2. sæti í tvo mánuði. Í tíu umferðir sem er öll seinni umferðin. Þetta er engin tilviljun, því liðið er gott.
Rétt eins og síðustu tímabil hefur Kormákur Hvöt teflt fram liði sem ekki mörg samfélög af svipaðri stærð og með svipaða íþróttainnviði geta stært sig af. Við erum með heimamenn sem hafa fórnað miklu fyrir málstaðinn í gegnum árin og lagt allt undir síðustu ár. Þeim til fulltingis eru gríðarlega öflugir erlendir leikmenn, því ekki fást íslenskir leikmenn í sumarævintýri úti á landi eins og í „gamla daga“. Við þurfum að stóla á leikmenn runna undan rifjum póstnúmeranna frá 500 til 550, plús svo alþjóðlegri póstnúmer.
Blandan er góð. Húnvetnsk þrjóska, spænsk leikni og balkönsk tækniundur. Blandan hefur skilað okkur hingað – við erum einum sigri frá því að fara upp úr 3. deildinni og leika í 2. deild að ári. Íslenska deildarkeppnin verður sterkari með hverju árinu. Venslalið stóru félaganna á Höfuðborgarsvæðinu ganga að stöðugum straumi góðra leikmanna ár hvert. Í 3. deild eru sjö slík hreinræktuð, nokkur njóta þess að vera skammt frá stórum liðum sem geta sent liðstyrk að láni, á Eyjafjarðarsvæðinu eða á Suðurnesjum.
Í þessu samhengi er ljóst að afrek Kormáks Hvatar, sigri liðið næsta leik, er þeim mun stærra. Við erum ekki að keppa á móti HSÞ-b eða Narfa frá Hrísey, með allri virðingu fyrir þeim ágætu félögum sem áður náðu í lið. Við erum að keppa á móti venslungum Breiðabliks, FH og annarra stórbokka íslenskrar knattspyrnu.
Ágætu Húnvetningar og nærsveitungar. Leggið frá ykkur prjónlesið og reiðtygin. Laugardaginn 16. september frá klukkan 14:00 til 16:00 ætlum við bleikliðar að skrifa söguna. Við viljum ekkert meira en að þið takið þátt í því með okkur og ÍSGEL ætlar að bjóða frítt á leikinn. Hjálpumst öll að og styðjum liðið okkar yfir stóru endalínuna!
Áfram Kormákur Hvöt!
/Aðsent ákall frá Aðdáendasíðu Kormáks Hvatar
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.