Byggðasafn Skagfirðinga 75 ára - Ylfa Leifsdóttir skrifar
Af tilefni 75 ára afmælis Byggðasafns Skagfirðinga var boðið til afmælishátíðar á safnsvæðinu í Glaumbæ þann 29. maí síðastliðinn. Þrjár nýjar sýningar opnuðu á safnsvæðinu: á Áshúslofti opnaði sýningin „Byggðasafn Skagfirðinga í 75 ár“ sem mun standa út þetta ár, í Gilsstofu opnaði varanleg sýning á neðri hæðinni sem fjallar um sögu Gilsstofunnar og Briem fjölskylduna, en á efri hæðinni opnaði sýningin „Hér stóð bær“ sem mun standa næstu árin og fjallar um skráningu Byggðasafnsins á skagfirskum torfhúsum.
Við hvetjum þau sem ekki hafa kíkt á nýju sýningarnar til að líta við. Minnum á ársmiðana þar sem íbúar Skagafjarðar þurfa aðeins að greiða aðgangseyri einu sinni inn á safnsvæðið og fá þá miða sem gildir í heilt ár upp frá því.
Á hátíðinni var fjölbreytt og skemmtileg dagskrá fyrir allan aldur. Smáframleiðendur voru með gómsætar veitingar og ungum gestum bauðst að fara á hesta frá Syðra-Skörðugili. Prúðbúnar Pilsaþytskonur sýndu handverk í baðstofunni ásamt Margréti á Mælifellsá og Hilma Bakken í kvæðamannafélaginu Gná og Níels Ómarsson í kvæðamannfélaginu Gefjunni fluttu kveðskap.
Þá sýndu Helgi Sigurðsson og Finnur Eiríksson handtök við torfhleðslu og Bjössi Sighvatz, Jón Egill og Guðmundur Stefán sýndu eldsmíði. Félagar úr Dansfélaginu Vefaranum komu prúðbúnir og sýndu nokkur dansspor og Skagfirski Kammerkórinn flutti ljúfa tóna. Þá voru íslenskir fjárhundar á öllum aldri á safnsvæðinu við mikla lukku yngstu gestanna.
Það var því sannarlega líf og fjör á afmælishátíðinni og erum við orðlaus af þakklæti yfir öllum þeim fjölda sem lagði leið sína á safnið til að fagna með okkur, um 700 manns, þar af 64 sem tóku þátt með beinum hætti til að gera daginn sem eftirminnilegastan og þeim færum við sérstakar þakkir, ásamt Berglindi Gunnarsdóttur fyrir snilldar viðburðastjórnun og Gunnhildi Gísladóttur fyrir að taka þessar frábæru myndir. Loks þökkum við safnasjóði fyrir stuðninginn sem gerði þennan viðburð mögulegan.
/Ylfa Leifsdóttir
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.