Vel heppnaður kynningarviðburður fyrir frumkvöðla og fyrirtæki
Miðvikudaginn 23. október stóðu Samtök sveitarfélaga á Norðurlandi vestra (SSNV) fyrir kynningarviðburði á stefnumótunaraðferð fyrir frumkvöðla og fyrirtæki á Gránu, Sauðárkróki. Viðburðurinn var vel sóttur og tókst einstaklega vel, þar sem þátttakendur fengu innsýn í nýjar aðferðir sem miða að því að styðja lítil og meðalstór fyrirtæki í sjálfbærniaðgerðum og ákvarðanatöku.
Verkefnið Target Circular byggir á nýlegum rannsóknum um hvernig vísindaleg nálgun í ákvarðanatöku getur aukið sjálfbærni og rekstrarhagkvæmni fyrirtækja. Verkefnið hefur að undanförnu verið prófað í samvinnu við fimm frumkvöðla og fyrirtæki á Norðurlandi vestra, sem hafa nýtt sér aðferðirnar með góðum árangri. Þátttakendur á viðburðinum fengu tækifæri til að heyra þeirra reynslu og hvernig þessar nýju aðferðir hafa haft jákvæð áhrif á þeirra verkefni.
Íslensku þátttakendurnir voru Vala hjá Kaffi Korg, Elínborg hjá Breiðargerði, María með ræktun Burnirótar, Herdís með Kayakar.is og Amber hjá Ísponica.
Sveinbjörg Rut Pétursdóttir, verkefnastjóri Target Circular fyrir hönd SSNV, sagði að verkefnið hafi það að markmiði að auðvelda fyrirtækjum ákvarðanatöku með því að veita skipulag við öflun upplýsinga og skilvirkari nálgun við ákvarðanatöku. „Með því að nýta gögn og tillögur að aðgerðum hjálpum við fyrirtækjum að taka upplýstari ákvarðanir, sem stuðla bæði að aukinni hagkvæmni og sjálfbærni,“ sagði Sveinbjörg í samtali á viðburðinum.
Einnig kynnti Stephen Barry Hannon frá Munster Technology University á Írlandi áhrifarík verkfæri sem nýtast við innleiðingu hringrásarhagkerfis, sem hafa reynst fyrirtækjum bæði á Írlandi vel. Að lokum var sérstök þjálfun fyrir viðskiptaráðgjafa haldin af Niall O'Leary frá MTU, þar sem áhersla var lögð á að kenna aðferðafræðina, sem verkefnið vinnur að því að þróa, sem hjálpar ráðgjöfum að styðja betur við viðskiptavini sína.
Verkefnið Target Circular er alþjóðlegt samstarfsverkefni sem er fjármagnað að hluta til af Interreg Northern Periphery and Arctic. Samstarfsaðilar eru Samtök sveitarfélaga á Norðurlandi vestra, Munster Technology University á Írlandi, Centria University of Applied Sciences og Kokkolanseudun Kehitys í Finnlandi, ásamt Norinnova í Noregi.
Verkefnið er fjármagnað af Interreg Northern Periphery and Arctic programme.
Fleiri fréttir
-
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira -
Horfði á alþingisrásina eftir skóla
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 10.29María Rut Kristinsdóttir er oddviti Viðreisnar í Norðvestur kjördæmi. María er gift Ingileif Friðriksdóttur, eiga þær saman þrjú börn og einn hund. Búsettar í Reykjavík en alltaf með annan fótinn á Flateyri og Ísafirði. María hef starfað sem aðstoðarmaður formanns Viðreisnar síðan 2017 (með stuttu hléi).Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.