Hefðu báðar viljað spila aðeins meira
Skagstrendingarnir og Tindastólsstúlkurnar Birgitta Rún Finnbogadóttir og Elísa Bríet Björnsdóttir hafa síðustu daga verið með U17 landsliði Íslands í knattspyrnu en liðið hefur nýlokið þátttöku í undankeppni EM 2024/25 en keppnin fór fram í Skotlandi. Liðið lék þrjá leiki, mættu Skotum, Pólverjum og Norður-Írum og vann einn leik en tapaði tveimur. Feykir lagði í morgun nokkrar spurningar fyrir Elísu Bríeti.
Skotar unnu riðilinn, unnu alla sína leiki og þar á meðal Ísland 2-0. Ísland tapaði síðan fyrir liði Póllands 1-0 en lagði síðan Norður-Íra 3-0 í lokaleiknum.
„Við Birgitta hefðum báðar viljað spila kannski aðeins meira en auðvitað er bara heiður að fá yfir höfuð að spila í landsliðstreyjunni,“ svaraði Elísa Bríet þegar Feykir spurði hvort þær hefðu verið sáttar við frammistöðu sína og liðsins. „Okkur fannst báðum frammistaða okkar fín þegar við fengum að spila og svo líka á æfingum. Mér fannst frammistaða liðsins góð, markmiðið var auðvitað fyrsta eða annað sæti í riðlinum en við lentum í þriðja. Hins vegar skipti öllu máli að við næðum að halda okkur í A deild fyrir næstu undankeppni EM, það tókst.“
Hvar var verið að spila og var góð stemning í hópnum? „Við spiluðum í Skotlandi sem var mjög gaman. Skotland er skemmtilegt land og svo vorum við líka heppnar að vera á hóteli nánast í miðbæ Glasgow. Mér fannst góð stemning í hópnum, við vorum góð liðsheild og gerðum þetta í sameiningu.“
Hvað er gert þegar ekki er verið að spila, eruð þið að spila FIFA eða bara að læra? „Þegar við erum ekki að keppa eða á æfingu þá reynum við að læra aðeins, við höfum nokkrum sinnum fengið að fara niður í bæ að versla, en annars gerum við nánast bara það sem við viljum, förum í sjúkraþjálfum ef þess þarf eða förum í einhverja leiki með stelpunum.“
Hvað gerist næst hjá U17 liðinu? „Næsta verkefni hjá U17 er æfingamót í Portúgal í janúar svo er hin undankeppnin fyrir EM í mars og við vonumst svo auðvitað til að komast alla leið á EM næsta sumar.“
Fótbolti.net valdi þig efnilegasta leikmann Bestu deildarinnar. Hvað segirðu um það? „Mér finnst geðveikt að vera valin efnilegasti leiknaður Bestu deildarinnar á Fótbolti.net. Það er auðvitað alveg frábært en ég get samt ekki alveg sagt að ég hafi verið að búast við þessu. Hins vegar er ég mjög ánægð og sátt með tímabilið í ár,“ segir Elísa Bríet að lokum.
Fleiri fréttir
-
Þjóðarsátt um landbúnað til framtíðar | Guðmundur Hrafn Arngrímsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 08.30Landbúnaður og matvælaframleiðsla er elsta athafnasemi íbúa landsins og önnur af mikilvægustu atvinnugreinum þjóðarinnar, ásamt sjávarútvegi. Landbúnaður er í senn undirstaða byggðar í landinu, gríðarlega mikilvægur fyrir fæðuöryggi þjóðarinnar og lífstíll þeirra sem hann stunda. Þess vegna er mikilvægt að um landbúnað og matvælaframleiðslu ríki þjóðarsátt.Meira -
Á sterka minningu um boltaleik með langafa sínum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 16.33Ólafur Adolfsson er oddviti Sjálfstæðisflokksins í Norðvestur kjördæmi. Ólafur er í sambandi með Margréti Birgisdóttur lyfjafræðingi og á hann tvö uppkomin börn, tvö barnabörn og tvö stjúpbörn. Ólafur er alinn upp í Ólafsvík og hefur auk þess átt heima um skemmri eða lengri tíma á Akranesi, í Reykjavík og á Sauðárkróki og er í dag með lögheimili á Akranesi. Hann er lyfjafræðingur og lyfsali, á og rekur fjórar lyfjabúðir sem eru staðsettar á Akranesi, í Borgarnesi, í Ólafsvík og í Vesturbæ Reykjavíkur.Meira -
Rætt við Grím Rúnar í tilefni 100 ára afmælishátíðar Hvatar á laugardaginn
feykir.is Austur-Húnavatnssýsla, Listir og menning, Lokað efni 21.11.2024 kl. 14.46Það stendur mikið til á Blönduósi nú á laugardaginn því þá fagnar Ungmennafélagið Hvöt 100 ára afmæli sínu með pompi og prakt. Það er því við hæfi að leggja nokkrar spurningar fyrir formann félagsins en það er Grímur Rúnar Lárusson. Grímur er innfæddur Blönduósingar og býr þar, er löglærður fulltrúi sýslumanns að aðalstarfi en í hjáverkum er hann sveitarstjórnarfulltrúi í Húnabyggð og formaður Umf. Hvatar.Meira -
Rótarýklúbburinn býður til ókeypis jólahlaðborðs í tíunda sinn
feykir.is Skagafjörður, Austur-Húnavatnssýsla, Lokað efni 21.11.2024 kl. 13.55Það styttist í aðventuna og í Skagafirði verða ljós tendruð á jólatrénu á Kirkjutorgi laugardaginn 30. nóvember. Sama dag standa Rótarýfélagar fyrir jólahlaðborði í íþróttahúsinu en þangað er öllum boðið og borða saman hangikjöt eða hamborgarhrygg og annað sem nauðsynlegt er. „Okkur Rótarýfélögum finnst þetta afskaplega gefandi, skemmtilegt og mikilvægt verkefni þar sem við sýnum í verki að við viljum láta gott af okkur leiða fyrir samfélagið,“ segir Ómar Bragi Stefánsson, forseti Rótarýklúbbs Sauðárkróks, í spjalli við Feyki.Meira -
Óvissa í kjölfar niðurstöðu héraðsdóms varðandi undanþágu frá samkeppnislögum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 21.11.2024 kl. 11.28Héraðsdómur Reykjavíkur komst að þeirri niðurstöðu sl. mánudag að breytingar á búvörulögum, þar sem framleiðendafélögum var veitt undanþága frá ákvæðum samkeppnislaga, sem samþykktar voru á Alþingi í mars síðastliðnum, hefðu strítt gegn áskildum fjölda umræðna á Alþingi og hafi af þeim sökum ekki lagagildi. Eins og greint hefur verið frá þá keypti Kaupfélag Skagfirðinga í kjölfarið Kjarnafæði - Norðlenska og var langt komið með að kaupa B.Jensen í Eyjafirði.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.