Skagafjörður

HMS, Tryggð byggð og Samtök iðnaðarins standa fyrir fundarröð um land allt um stöðu íbúðauppbyggingar og framtíðarhorfur. Í samstarfi við Samtök sveitarfélaga á Norðurlandi vestra er boðað til fundar um stöðu íbúðauppbyggingar á Norðvesturlandi. Fundurinn verður haldinn á veitingastaðnum Sauðá á Sauðárkróki miðvikudaginn 13. nóvember og hefst kl. 12:00. Boðið verður upp á súpu og brauð.

Í byrjun sumars var Baldur Hrafn Björnsson ráðinn sviðsstjóri stjórnsýslu- og fjármálasviðs hjá sveitarfélaginu Skagafirði. Hann er að sjálfsögðu fluttur á Krókinn þar sem hann býr með henni Steinunni Önnu ásamt dóttur þeirra, Hönnu Brá, sem er tveggja ára. „Fyrir á ég svo Magnús Elí, 17 ára, sem býr hjá okkur, og Söru Maríu, 19 ára, sem býr á Ísafirði,“ segir Baldur Hrafn.

Sigríður Jónína Helgadóttir var alin upp á Úlfsstöðum í Blönduhlíð og flutti heim aftur eftir áratugi á höfuðborgarsvæðinu ásamt Snorra Snorrasyni sínum ekta manni. Þau hafa komið sér vel fyrir í Hólabrekku í Lýdó hinum forna. Börnin sem þau hjón eiga eru sex talsins og barnabörnin orðin níu. Börnin þeirra Siggu og Snorra eru flogin úr hreiðrinu en ævintýrin kölluðu og var það dóttir Siggu Jónu, Inga Sigríður, sem tók af skarið og ákvað að veita kvennaliði Tindastóls í körfunni krafta sína þegar þær voru í 1. deild 2023-2024 og því var gaman að geta bara stokkið með.

„Fanney Birta Þorgilsdóttir heiti ég og bý í Síðu á Hofsósi með Fandam kærasta mínum og Ísak Abdiqani, sjö mánaða stráknum okkar. Fanney Birta, sem er fædd árið 1996, ólst upp á Hofsósi. Pabbi minn heitir Þorgils Heiðar Pálsson og er frá Eyrarlandi í Deildardal og mamma mín heitir Harpa Kristinsdóttir og er fædd á Dalvík en hefur búið á Hofsósi meira og minna allt sitt líf. Ég á fjögur systkini og tvær yndislegar stjúpsystur. Stórfjölskylda!“ Þannig er nú það en hvaða erindi á Fanney Birta í að svara Tón-lystinni?

Sunddeild Tindastóls hefur verið ómetanlegur hluti af samfélagi okkar á undanförnum árum, bæði sem hluti af íþróttaiðkun barna og sem stuðningur við heilsueflandi samfélag á svæðinu. Með samstöðu stjórnar, foreldra og þjálfara hefur sunddeildin opnað dyr fyrir unga iðkendur til að læra sundtækni og stunda heilsusamlega hreyfingu frá upphafi grunnskólagöngu. Hins vegar hefur skortur á sundþjálfurum í haust orðið til þess að enn hefur ekki verið hægt að hefja sundæfingar fyrir yngstu hópanna.

Grundvallar þörf hverrar fjölskyldu frá vöggu til grafar er traust aðgengi að heilbrigðisþjónustu í heimabyggð. Það vill Flokkur fólksins tryggja. Þarfir okkar sem einstaklinga og fjölskyldna eru ekki alltaf fyrirsjáanlegar og þegar veikindi verða, hvort sem um er að ræða varanleg veikindi, slys, fötlun, andleg sem líkamleg eða umönnun aldraðra og öryrkja þá viljum við að þeim þörfum sé mætt sem best í heimabyggð.

Um miðjan október fór fram áttunda haustþing Samtaka sveitarfélaga á Norðurlandi vestra og var fundað í félagsheimilinu á Blönduósi. Á fundinum var kynnt til sögunnar ný Sóknaráætlun Norðurlands vestra og þá sendi fundurinn frá sér átta ályktanir. Formaður stjórnar SSNV er Einar Eðvald Einarsson sem einnig er forseti sveitarstjórnar Skaga-fjarðar. Feykir sendi Einari nokkrar spurningar varðandi hlutverk SSNV, sem margir kannski þekkja ekki, og eitt og annað tengt þeim ályktunum sem haustþingið sendi stjórnvöldum.

Á Sauðárkróki er rekið fyrirtæki sem kallast Filmbase upp á enska tungu og þar er unnið með nýjustu tækni og útfærslur í gluggafilmum af ýmsu tagi. Það eru bræðurnir Óli Björn og Fannar Orri Péturssynir sem eiga fyrirtækið en Óli Björn er raunar mjólkurfræðingur að mennt og vinnur alla jafna hjá Mjólkursamlagi KS. Þeir bræður eru af kynstofni Narfa og þar virðast oft vera fleiri klukkutímar í sólarhringnum en hjá okkur hinum. Foreldrar piltanna eru Regína Jóna Gunnarsdóttir og Pétur Ingi Björnsson. Á dögunum fóru Óli Björn og Fannar skotferð til Kína með tveimur stoppum í Arabíu og höfðu föðurinn með sem fararstjóra – enda löngu vitað að sama hvað á gengur, ef Pétur er með í för þá reddast allt á endanum.

Ég hef verið í rekstri á sauðfjárbúi síðan árið 2009. Fjölskyldufyrirtæki á Vestfjörðum sem hefur gengið þokkalega, en ekkert meira en það. Við vinnum öll utan búsins líka og rekum okkur alfarið á tekjum sem koma utan búsins. Búið rekur sig að mestu leiti sjálft, enda engin lán á rekstrinum og samstíga fólk sem þar starfar.

Á nýlega afstöðnum landsfundi Landssambands smábátaeiganda (LS) var eftirfarandi ályktun samþykkt samhljóða af um 70 fulltrúum allra þeirra 16 svæðisfélaga sem eiga aðild að LS: