Skagafjörður

Áskorun til allra í tilefni dagsins! Skelltu í vöfflur því það er alþjóðlegi vöffludagurinn í dag. Ekki flækja hlutina og náðu þér í Vilko þurrefnablöndu og dassaðu smá vatn við. Ef þú vilt setja í þína eigin uppskrift þá er ég með eina góða...

Það var talsverður veðurhvellur sem íbúar á Norðvesturhorninu máttu þola undir lok vikunnar með tilheyrandi ófærð og veseni. Dagurinn í dag var hins vegar hinn fallegasti þó kalt væri og næstu daga verður boðið upp á meiri kulda og norðanátt en allt útlit er þó fyrir skaplegt veður að öðru leiti.

Ingibjörg Axelsdóttir starfsmaður landvinnslu FISK Seafood á Sauðárkróki hefur lagt stígvélin á hilluna eftir farsælan starfsferil hjá fyrirtækinu. Haldið var kaffisamsæti að þessu tilefni í kaffistofu landvinnslunnar og þar voru Ingu færðar þakkir fyrir vel unnin störf og óska samstarfsmenn og stjórnendur fyrirtækisins henni alls hins besta.

Það var spilað til úrslita í VÍS bikarnum í dag en þá mættust lið Tindastóls og Keflvíkur í Laugardalshöllinni. Leikurinn var æsispennadi framan af en síðari hálfleikurinn reyndist leiðinlega sveiflukenndur fyrir stuðningsmenn Stólanna því eftir að hafa náð 14 stiga forystu í upphafi hans þá datt botninn úr leik okkar manna og Keflvíkingar hrukku í gírinn. Lokatölur 79-92 og ekki annað í stöðunni en óska Keflvíkingum til hamingju.

Enn er veður með leiðinlegasta móti á Norðurlandi vestra og færð erfið enda víðast hvar stórhríð eða skafrenningur.Vegirnir yfir Holtavörðuheiði og Þverárfjall eru enn ófærir en vegirnir yfir Vatnsskarð og Laxárdalsheiði yfir í Dalasýslu eru færir. Þá segir frá því að á vef Skagafjarðar að vegna veðurs eru snjómokstursmenn eingöngu að berjast við að halda stofnæðum og forgangi opnum – þá væntanlega á Sauðárkróki.

Jú, það er úrslitaleikur í VÍS bikarnum á morgun og Stólarnir verða þar þrátt fyrir hálfgerða þrautagöngu í vetur. Jú, það er úrslitaleikur í VÍS bikarnum á morgun og Stólarnir verða þar þrátt fyrir hálfgerða þrautagöngu í vetur. Mótherjarnir eru lið Keflavíkur sem hafa verið ansi sterkir upp á síðkastið og sitja í 3.-4. sæti Subway-deildarinnar þegar tveimur umferðum er ólokið. Feykir tók púlsinn á Pétri Rúnari Birgissyni, fyrirliða Tindastóls, og spurði hvort honum finndist Stólarnir vera að ná sér á strik eftir góðan leik gegn liði Álftaness í undanúrslitum VÍS bikarsins.

Bestu deildar lið Tindastólskvenna hefur sýnt góða takta í Lengjubikarnum síðustu vikurnar en liðið spilaði fjóra leiki; tapaði venju samkvæmt gegn liðum Vals og Breiðabliks, gerði jafntefli við Fylki en lagði Selfoss að velli. „Síðasti leikurinn mun ekki spilast svo Lengjubikarinn er búinn í ár,“ tjáði Donni þjálfari blaðamanni Feykis þegar forvitnast var um hvenær síðasti leikurinn færi fram þar sem lið Keflavíkur átti að heimsækja Krókinn.

Það er bikarúrslitalaugardagur framundan og það verður norðlensk sveifla í Laugardalshöllinni með dassi af keflvískum hljómagangi. Leikur Tindastóls og Keflavíkur í úrslitunum karlamegin hefst á slaginu 16 en klukkan 19 mætir sprækt lið Þórs Akureyri sterkum Keflvíkingum kvennamegin. Það má því reikna með rífandi stemningu í Höllinni og vonandi hörkuleikjum. Fyrirpartý stuðningsmanna Tindastóls hefst á Ölveri kl. 13 og þar verður eflaust gaman.

Breska flugfélagið easyJet tilkynnti í gær flugáætlun sína fyrir tímabilið desember 2024 til febrúar 2025. Nú er hægt að bóka ferðir með flugfélaginu til og frá Akureyri á þessu tímabili, sem bætist við október og nóvember sem áður hafði verið tilkynnt um.

Það verður áfram vont óveður í dag og víða á Norðurlandi vestra eru vegir ófærir eða akstursskilyrði erfið. Bæði Vatnsskarð og Þverárfjall eru lokuð sem og Holtavörðuheiði og Laxárdalsheiði og þá er ófært fyrir Vatnsnesið og Siglufjarðarvegur er ófær frá Hofsósi en þar er stórhríð. Reikna má með vonskuveðri í allan dag, snjókomu og hvassviðri, og því skynsamlegt að bíða af sér veðrið þurfi það að skjótast milli sýslna.