Um 700 manns heimsóttu Glaumbæ á 75 ára afmælishátíð
Í tilefni 75 ára afmælis Byggðasafns Skagfirðinga var boðið til afmælishátíðar með skemmtun og fróðleik í Glaumbæ sl. mánudag. Mikið líf og fjör var á safnsvæðinu, áhugaverðar sýningar og fjölbreytt og skemmtileg dagskrá fyrir alla aldurhópa.
Smáframleiðendur buðu upp á gómsætar veitingar, ungum gestum bauðst að fara á hestbak og prúðbúnar Pilsaþytskonur spókuðu sig á svæðinu. Þá spann Margrét á Mælifellsá úr hrosshári við kveðskap Hilmu Bakken í Kvæðamannafélaginu Gná og Helgi Sigurðsson sýndi handtök við torfhleðslu, Bjössi Sighvatz, Jón Egill og Guðmundur Stefán léku listir sínar við eldsmíði. Eigendur íslenskra fjárhunda létu sig ekki vanta frekar en Dansfélagið Vefarinn sem steig á stokk og tók nokkur létt dansspor og Skagfirski kammerkórinn sem söng fyrir gesti.
Í tilefni þessara tímamóta voru þrjár nýjar sýningaropnanir:
Byggðasafn Skagfirðinga í 75 ár – afmælissýning í Áshúsi
Hér stóð bær – Skráning Byggðasafnsins á skagfirskum torfhúsum í Gilsstofu
Saga Gilsstofunnar og Briemsstofa.
„Við erum orðlaus og þakklát öllum þeim fjölda sem lagði leið sína á safnið en um 700 manns heimsóttu Glaumbæ og fögnuðu tímamótunum með okkur, þar af 64 sem tóku þátt með beinum hætti til að gera daginn sem eftirminnilegastan fyrir afmælisgesti. Þeim færum við sérstakar þakkir; Dansfélagið Vefarinn, eldsmiðirnir; Björn J. Sighvatz, Guðmundur Stefán Sigurðarson og Jón Egill Indriðason, Fornverk, Kvæðamannafélagið Gná, Margrét Ingvarsdóttir frá Ytra-Mælifelli, Pilsaþytur í Skagafirði, Skagfirski Kammerkórinn, Syðra-Skörðugil, Lýtingsstaðir og fleiri eigendur íslenskra hunda í Skagafirði, Smáframleiðendur í Skagafirði; Birkihlíð Kjötvinnsla, Breiðargerði, Ísponica og Rúnalist. Loks færum við Berglindi Gunnarsdóttur kærar þakkir fyrir snilldar viðburðastjórnun!“ segir á Facebook-síðu Byggðasafnsins en þar er hægt að nálgast fjölda mynda frá deginum. Sjá HÉR
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.