Ultimo-appið orðið aðgengilegt
Eins og Feykir greindi frá í júní sigraði Jóhanna María Grétarsdóttir Nýsköpunarkeppni grunnskólanna 2023 með hugmyndinni „Ultimo”. Jóhanna María býr á Sauðárkróki og foreldrar hennar eru Grétar Karlsson og Annika Noack.
Verðlaunin voru afhent í útskrift 6. bekkjar og við það tækifæri kynnti Jóhanna María hugmyndina. „Ultimo – food saver“ er app sem hjálpar til með að minnka matarsóun á heimilum. Með appinu er hægt að skrá matvæli t.d. úr kæli, búri eða frysti ásamt upplýsingum um hvenær þau renna út. „Ultimo – food saver“ heldur þannig utan um öll matvæli sem til eru á heimilinu og sendir tilkynningar þegar eitthvað er við það að renna út.
Í sumar hafa Jóhanna María og foreldrar hennar með mikilli hjálp frá Dr. Sebastian Breuers, hannað og forritað app sem er hægt að hala niður fyrir Android síma.
Það vildi svo heppilega til að Sebastian, sem er besti vinur mömmu Jóhönnu Maríu og eyðir sumarfríunum sínum ár hvert hjá fjölskyldunni hér á Sauðárkróki, er einnig forritari og var tilbúinn til að hjálpa til við að smíða appið. Án hans hjálpar hefði appið ekki orðið að veruleika.
Þar eru mörg atriði sem þurfti að hugsa um. Jóhanna María og móðir hennar hönnuðu útlitið, ákváðu hvaða aðgerðir áttu að standa til boða og sömdu textann fyrir notendaviðmótið. Sebastian og faðir Jóhönnu Maríu sinntu forritun og ýmsum tæknilegum atriðum sem þurfti að hafa í huga við að gera appið aðgengilegt á netinu.
Þrátt fyrir því að appið sé tilbúið og orðið aðgengilegt á netinu, hefur Jóhanna María fleiri hugmyndir um hvernig hægt er að gera appið enn betra. Það er því enn verið að vinna að endurbótum til að gera notendaupplifunina betri, bæta við appið í AppStore fyrir Apple tæki og vonandi verður hægt að skanna inn upplýsingar matvælanna í framtíðinni.
Til að vera viss um að finna appið í Google Play Store fyrir Android er hægt að leita að „ultimojmgn“.
Dr. Sebastian Breuers og Jóhanna María Grétarsdóttir. Mynd: Annika Noack
/Fréttatilkynning
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.