Tónleikar í gamla bænum á Aðalgötunni
Næstkomandi laugardagskvöld verður Aðalgatan á Sauðárkróki færð í betri stílinn þegar lokað verður fyrir bílaumferð og heljarinnar sviði slegið upp. Á sviðinu munu fara fram tónleikar sem hefjast klukkan 19:30, ásamt því að fyrirtæki í götunni munu hafa dyrnar sínar opnar fram á kvöld þar sem fólk getur rölt á milli verslana.
Þeir sem koma fram eru tónlistarmaðurinn Atli, Lalli töframaður, Una Torfa og Danssveit Dósa.
Sviðið verður staðsett norðan við Kaffi Krók og Grand-Inn, og Aðalgatan verður lokuð frá kirkjutorgi að Kambastíg.
Feykir hafði samband við Adam Smára og spurði hana nánar út í viðburðinn, en hann ásamt Sigga Dodda og Viggó Jónssyni eru skipuleggjendur tónleikana.
„Það er búið að blunda í okkur dálítinn tíma að halda tónleika eða einhverja bæjarhátíð á Króknum. Við vorum upprunalega komnir á það að fresta því um eitt ár að gera eitthvað en ákváðum að kýla á það halda tónleika núna á laugardaginn með stuttum fyrirvara.“
Þessa helgi fer fram hið árlega stelpumót í fótbolta, ÓB-mótið, og er von á rúmlega 500 fótboltastelpum í bæinn þessa helgi ásamt tilheyrandi systkinum, foreldrum, ömmum og öfum. Tónleikarnir eru haldnir í samstarfi við Tindastól en þeir koma í staðinn fyrir kvöldvöku mótsins.
„Það sem við erum að horfa á aðallega í kringum þessa helgi er að gera upplifun fyrir bæjarbúa og mótsgesti, það er enginn smá fjöldi sem kemur í bæinn í kringum þetta mót.“ Segir Adam.
Er planið að gera þessa tónleika að árlegum viðburði?
„Það er klárlega á stefnuskránni að gera þetta árlega og byggja þetta meira upp, við ætlum að byrja smátt og leyfa þessu síðan að vaxa í framtíðinni.“
Lalli Töframaður mun ekki bara koma fram á tónleikunum, heldur verður hann á þvælingi um íþróttasvæðið eftir hádegi á Laugardaginn og líklegur til að bregða á leik.
Adam vill að lokum koma þökkum til fyrirtækja í bænum, en tónleikarnir eru styrktir af þeim.
/SMH
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.