Þórarinn þjálfar á heimsmeistaramóti: „Úrslitin ráðast mikið utan vallar"
Þessa dagana stendur yfir Heimsmeistaramót íslenska hestsins í Oirschot í Hollandi. Þórarinn Eymundsson, tamningamaður, reiðkennari, hrossaræktandi og lektor við hestafræðideild Háskólans á Hólum tekur þar þátt sem aðstoðarþjálfari A-landsliðs Íslands í hestaíþróttum.
Þórarinn er þaulvanur heimsmeistaramótum en hann varð tvöfaldur Heimsmeistari árið 2007 í Hollandi á hestinum Kraft frá Bringu svo eftirminnilega í fimmgang og samanlögðum fimmgangsgreinum. Einnig hefur hann hlotið fjögur silfurverðlaun á heimsmeistaramóti.
Feykir hafði samband við Þórarinn og heyrði í honum hljóðið. Hlutverk hans sem þjálfari í liðinu er að hjálpa knöpunum að undirbúa sýningarnar og þjálfa og fylgja þeim á keppnisdegi.
"Þetta snýst mikið um að passa að knöpunum líði vel og þeir geri það sem þeir eru vanir. Ef það er hins vegar ekki að virka þá að hjálpa þeim með að prófa eitthvað annað. Þá kafar maður í reynslubankann og þá þekkingu sem maður hefur viðað að sér í gegnum árin. En þetta snýst oftast mikið um að peppa upp sjálfstraust og að stilla spennustigið rétt. Úrslitin ráðast mikið utan vallar," segir Þórarinn
Hvernig hefur gengið hingað til?
Það gengur mjög vel. Þegar kominn tvö gull í gæðingaskeiðinu og allir knapar hafa skilað sér inn í úrslit í hringvallargreinum hingað til. Íslandsfæddu kynbótahrossin standa öll efst í sýnum flokkum en 7 vetra flokkurinn er eftir.
Hvernig eru aðstæður í Hollandi?
Aðstæður hér eru góðar. Hesthúsin og svæðið þar í kring gott og knaparnir hafa aðgang að góðu tjaldi þar sem hægt er að setjast niður og fá sér vel að borða. Landsliðið kemur með mikið af íslenskum mat með sér. Harðfisk, smjör, flatbrauð og hangikjöt, og nóg af íslensku vatni. Hér hefur rignt mikið undanfarna daga og það hefur gert velli og upphitunarsvæðið mjög blaut á köflum en knaparnir hafa tæklað það mjög vel.
Nú hefur þú keppt á nokkrum heimsmeistaramótum, telur þú reynsluna þína frá þeim mótum nýtast þér í að leiðbeina keppendum íslands á þessu móti?
Auðvitað skiptir reynslan af HM og öðrum stórmótum máli þegar kemur að því að stilla knapa og hest rétt af. Þegar komið er á HM þá má líkja þessu við að hafa bara eitt skot í byssunni og þú verður að hitta í markið því þetta er síðasta mótið hjá íslensku knöpunum með sína hesta á meðan knapar frá öðrum þjóðum geta bara mætt aftur á næsta mót.
/SMH
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.