Sveitasæla um helgina - Fjölskyldustemning og almenn skagfirsk gleði
Sveitasælan, landbúnaðar og bændahátíð í Skagafirði verður haldin laugardaginn 19. ágúst nk. frá klukkan 10:00 til 17:00 og fer venju samkvæmt fram í Reiðhöllinni Svaðastöðum. Að sögn Sigurðar Bjarna Rafnssonar má búast við skemmtilegri fjölskyldustemningu og almennri skagfirskri gleði þar sem landbúnaðurinn verður í aðalhlutverki.
Sigurður Bjarni er verkefnastjóri Sveitasælunnar ásamt Sigurlínu Erlu Magnúsdóttur, formanni Flugu, og að sögn hans hefur skipulagið gengið vonum framar. „Fólk hefur verið almennt jákvætt fyrir því að vera með, bæði fyrirtæki og einstaklingar,“ segir Sigurður.
Vigdís Häsler mun setja sýninguna formlega klukkan 11:00 og Sigfús Ingi Sigfússon, sveitastjóri Skagafjarðar, mun ávarpa gesti ásamt því að flutt verða tónlistaratriði. Hin feikivinsæla íþrótt, hrútaþukl, verður síðan háð klukkan 12:00 og klukkan 13:00 mun Leikfélag Sauðárkróks skemmta gestum á öllum aldri. Í kjölfarið mun Hvolpasveitin góða mæta á svæðið og teymt verður undir börnum klukkan 14:00.
Verðlaunaafhending fyrir Hrútaþukl mun fara fram klukkan 14:30 og klukkan 15:00 verður vígaleg kálfasýning. Sýningunni lýkur svo klukkan 17:00 en dagskráin í tengslum við hana verður þá hvergi nærri búin.
Sérstök Sveitasælu tilboð verða á veitingastöðum Sauðárkróks og á sunnudaginn verða opin bú í Skagafirði auk þess sem bændamarkaður verður á Stórhóli í tilefni af „Beint frá býli“ deginum.
Að lokum vilja skipuleggjendur koma því á framfæri að ekki er of seint að skrá sig til leiks til að vera með bás á sýningunni.
/SMH
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.