Sveitarstjóri lengi verið tilbúinn með skófluna
Í grein sem Sigurjón Þórðarson, Flokki fólksins, birti á Feyki.is í gær kom fram að hann hafði á Alþingi lagt fram fyrirspurn um stöðu endurbóta og viðbyggingar við Safnahúsið á Sauðárkróki. Svör ráðherra, Lilju Alfreðsdóttur, voru á þá leið að Sigurjón taldi líklegt að Sigfús Ingi Sigfússon, sveitarstjóri Skagafjarðar, gæti farið að gera klárt fyrir skóflustungu. Feykir hafði samband við Sigfús Inga og spurði hvort hann væri farinn að leita að skóflunni.
„Sveitarstjórinn er búinn að vera tilbúinn með skófluna í nokkuð langan tíma og er bjartsýnn miðað við nýjustu fréttir og greinaskrif í Feyki um að senn líði að undirritun samnings við ríkið um Menningarhús þar sem fjárheimildir og framkvæmdatími eru fest niður,“ var svar Sigfúsar Inga við spurningunni.
Leyfir fjárhagsstaða Skagafjarðar að farið verði í framkvæmdir á kjörtímabilinu? „Sveitarfélagið hefur gert ráð fyrir upphafi verkefnisins, þ.e. hönnun/hönnunarsamkeppni og útboðsgögnum, í fjárhagsáætlunum undanfarin ár og svo er einnig á þessu ári. Framhaldið ræðst af áfangaskiptingu og því fjármagni sem varið verður til verksins en hlutfallið sem kemur til framkvæmdarinnar er 60% frá ríki og 40% frá sveitarfélaginu. Fjárhagsstaða Skagafjarðar er ágæt og uppbygging menningarhúss gerir okkur það einnig kleift að koma starfsemi og varðveislurýmum á einn stað sem stórbætir faglega og rekstrarlega umsýslu ákveðinna verkefna og losar um eignir annars staðar.“
Hver eru næstu skref í því að koma upp Menningarhúsi? „Næstu skref eru að ríkið ljúki sínum hluta áætlanagerðar og rammi inn í samning sem ritað verður undir á milli þess og sveitarfélagsins. Í framhaldinu verður hafist handa við hönnunarsamkeppni, lokið við endurskoðun deiliskipulags fyrir svæðið og svo ráðist í útboð og framkvæmdir þegar þeim áföngum er náð,“ sagði Sigfús Ingi að lokum.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.