Sumaropnun á Gránu Bistro, Retro Mathúsi og í Jarlsstofu
Sumarið er komið og nú opna fleiri og fleiri veitingastaðir dyr sínar fyrir svöngum túristum og heimafólki sem er spennt fyrir fjölbreytni í úrvali veitinga- og kaffistaða. Nú um helgina verður opið hjá Retro Mathúsi á Hofsósi, Jarlsstofa restaurant í kjallara Hótel Tindastóls er með kvöldopnun og Grána Bistro verður með opið föstudags, laugardags- og sunnudagskvöld.
Jarlsstofa var opnuð fyrir gestum og gangandi í byrjun maí og verður opin öll kvöld út september frá kl. 18:00 til 21:30. Þar stendur val á milli 2ja og 3ja rétta matseðla ásamt því að í boði verður grænmetis- og barnamatseðill.
Grána Bistro er alla jafna opin frá kl. 10-16 og svo verður áfram sunnudaga til miðvikudaga. Í sumar verður opið til kl. 22:00 fimmtu-, föstu- og laugardaga og er hægt að panta af kvöldverðarmatseðli frá 18:00 til 21:00. Allur matur á Gránu Bistro er eldaður frá grunni á staðnum með hráefni úr héraði í fyrirrúmi. Í kynningu segir: „Við erum stolt af því að bjóða upp á veitingar búnar til úr besta fáanlega hráefninu á svæðinu og styðja þannig við landbúnað í nærsveitum okkar.“ Á kvöldverðarmatseðli Gránu Bistro er hægt að velja milli fimm aðalrétta auk forrétta og eftirrétta.
Retro Mathús í Baldurshaga á Hofsósi byrjar á því að gera góða hvítasunnuhelgi en síðan hefst sumaropnun 31. maí. Þar verður opið alla daga í sumar frá kl. 12-21, nema mánudaga því þá er opið frá kl. 18-21. Nú um hvítasunnuhelgina verður opið í dag frá 18-21, laugardag frá 14-21, hvítasunnudag frá 18-21 og annan í hvítasunnu 14-21.
Og ekki nóg með það...
Auk þessara veitingastaða er hægt að fara út að borða á Hard Wok Café, Kaffi Krók og Sauðá á Sauðárkróki auk Ábæjar, Bláfells og Sauðárkróksbakarís. Á Hofsósi er auk Retro Mathúss hægt að nálgast pylsur, báta og pizzur í KS, í Varmahlíð er hægt að snæða á Hótel Varmahlíð og á Grill66 hjá Olís, Kaffi Hólar eru á Hólum í Hjaltadal, þá er alltaf opið á Hofsstöðum í Viðvíkursveitinni og í Bakkaflöt í Lýtingsstaðahreppi hinum forna er veitingastaður. Þá má ekki gleyma Dalakaffi í Unadal, Áskaffi í Héðinsmynni í Blönduhlíð, Gróðurhúsinu Starrastöðum ,Ketilási í Fljótum og Áshúsi í Glaumbæ.
- - - - -
Ef eitthvað vantar inn í þessa upptalningu yfir veitingastaði og kaffihús í Skagafirði þá væri gott að fá ábendingu um það á feykir@feykir.is
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.