Hvítur himbrimi í höfninni á Króknum
Fyrr í dag birti Viggó Jónsson myndir af sérkennilegum fugli á sundi í smábátahöfninni á Sauðárkróki.
Birti hann myndirnar á Facebook og eru menn sammála um að þarna sé hvítur himbrimi og hefur fuglinn víst sést áður og annarsstaðar í Skagafirði.
„Ég sá hann bara í höfninni á Króknum. Hann kafaði hérna við bátinn hjá okkur, ég var að sýna ferðafólkinu hann í morgun áður en ég lagði af stað í Drangey,“ segir Viggó í samtali við Feyki en hann rekur ferðaþjónustufyrirtækið Drangeyjarferðir.
„Ég sá hann fyrir nokkrum dögum en náði ekki mynd af honum, ég var svo núna búinn að vera á verði, vera var um mig, klár með myndavélina.“
Viggó er ekki sá eini sem hefur séð hvíta himbrimann, Elvar Már Jónsson hefur einnig séð hann annars staðar í Skagafirði, bæði í ár og í fyrra.
„Ég sá hann einu sinni í fyrrasumar. Þá var hann í Hofsóshöfn. Sá hann svo aftur út á miðjum firðinum fyrir nokkrum vikum," segir Elvar við Feyki.
Ekki virðist hinn hvíti himbrimi vera vinsæll hjá öðrum himbrimum því hvorki Viggó né Elvar kannast við að hafa séð hann með öðrum fuglum.
Þetta er ekki fyrsta hvíta afbrigðið af fuglategund sem sést í Skagafirði á undanförnum árum því hvítur hrossagaukur hefur spókað sig um í firðinum um nokkurt skeið.
Ástæðan fyrir því að fuglar sem ekki eiga að vera hvítir, verða hvítir, er sú að erfðafræðileg stökkbreyting veldur því að skortur er á melanín, litarefni húðar og hárs (fjaðra í tilfelli fugla), sem veldur því að fuglar verða hvítir eða dofnir á litinn, annað hvort að fullu eða í blettum.
/SMH
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.