Hjólað um allan heim
Á dögunum afhenti Menningarsjóður Kaupfélags Skagfirðinga Dagdvöl aldraðra höfðinglega gjöf. Um er að ræða búnað í heilbrigðistækni svo kallaðan Motiview búnað sem samanstendur af sérstöku hjóli, tölvubúnaði og sjónvörpum. Hjólið er tengt við tölvu og skjá og í gegnum sérstök forrit er hægt að hjóla svo að segja um allan heim og njóta náttúru og mannlífs sem birtist á skjánum um leið og hjólað er. Hægt er að hafa hjólið eingöngu fótstigið en einnig er hægt að hjóla bara með höndunum eða hvort tveggja.
Búnaður þessi er til þess ætlaður að hvetja eldra fólk og fólk með heilabilun til aukinnar virkni bæði líkamlega og andlega. Mælingar sem gerðar hafa verið á gagnsemi búnaðarins fyrir einstaklinga sýna ótvíræðan árangur fyrir vöðvastyrk, jafnvægi og stoðkerfi. Aukin hreyfing dregur einnig úr þunglyndi, svefnvandamálum og öðrum kvillum. Fyrir utan að vera tækni sem hvetur til hreyfingar hvetur búnaðurinn einnig til félagslegrar samveru og andlegrar örvunar og eykur þannig einnig lífsgæði fólks.
Fyrst um sinn munu starfsmenn bjóða gestum Dagdvalarinnar upp á þjálfun á hjólinu en einnig er ætlunin að bjóða öðrum aðgang að búnaðinum þegar fram í sækir. Ljóst er að búnaður þessi er mikið framfaraskref í þjónustu Dagdvalar við gesti hennar og býður upp á mikla möguleika fyrir þá íbúa Skagafjarðar sem á þurfa að halda.
Í máli Stefaníu Sifjar Traustadóttur, forstöðumanns Stuðnings- og stoðþjónustu Skagafjarðar, við móttöku gjafarinnar kom fram að miklar framfarir ættu sér nú stað í þróun í velferðartækni sem er til þess fallin að efla líkamlega og andlega færni eldra fólks. Tækni þessi miðar að því að efla heilsu og almenn lífsgæði og um leið auka möguleika fólks á að búa lengur í heimahúsum. Hún þakkaði Menningarsjóðnum vel fyrir þessa mikilvægu gjöf og sagði hana styðja afar vel við starfsemi Dagdvalarinnar.
Það kom í hlut Ásbjargar Jóhannsdóttur, sem hefur verið gestur Dagdvalarinnar um langt árabil, að vígja búnaðinn. Að afhendingu lokinni var boðið upp á kaffi og kökur.
/Fréttatilkynning
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.