Gekk á ýmsu í Ljómarallý í Skagafirði
Það gekk á ýmsu þegar 3. umferð Íslandsmótsins í rallakstri fór fram í Skagafirði sl. laugardag. Ljómarallý í Skagafirði hefur verið árviss viðburður, síðustu helgi fyrir verslunarmannahelgi.
Tólf áhafnir voru skráðar til leiks og veður var með besta móti þegar lagt var af stað frá Varmahlíð á laugardagsmorguninn. Eknar voru fjórar sérleiðir um Mælifellsdal og tvær um Vesturdal.
Íslandsmeistararnir frá því í fyrra Gunnar Karl Jóhannesson og Ísak Guðjónsson leiddu keppnina eftir hraðan akstur á fyrstu sérleið en lentu í að sprengja dekk og tefjast á annarri sérleið. Það sem eftir lifði dags þurftu þeir því að vinna sig aftur upp tímatöflu keppninnar. Náðu þeir að keyra sig upp í fyrsta sætið og halda því.
Í öðru sæti urðu Jósef Heimir Guðbjörnsson og Sævar Sigtryggson eftir jafnan og áfallalítinn akstur. Þeir báru jafnframt sigur úr býtum í B flokki.
Í þriðja sæti urðu Baldur Arnar Hlöðversson og Adam Máni Valdimarsson. Baldur Arnar er öllum hnútum kunnugur á skagfirskum sérleiðum, enda fyrrum Íslandsmeistari 2019. Adam Máni var hins vegar að keppa í sinni fyrstu keppni í Skagafirði, nú á sínu fimmtánda aldursári. Baldur Arnar og Adam Máni hrepptu einnig fyrsta sæti í AB varahlutaflokki.
Í öðru sæti í AB varahlutaflokki urðu feðgarnir Hlöðver Baldursson og Jón Óskar Hlöðversson. Þess má geta að Hlöðver er faðir Baldurs Arnars sem sigraði flokkinn svo vænta má þess að umræður í fjölskylduboðum geti verið akstursíþróttatengdar.
Þriðja sæti í AB varahlutaflokki kom í hlut Daníels Victors Herwigssonar og Úlfars Alexandre Rist en þeir hafa nú, líkt og Hlöðver og Jón Óskar, náð að ljúka öllum keppnum sumarsins í stigasæti.
Það er óhætt að segja að akstur um Mælifellsdal og Vesturdal sé krefjandi og fimm áhafnir urðu frá að hverfa eftir útafakstur og bilanir keppnistækja. Góður öryggisbúnaður og markvisst eftirlit með honum sáu þó til þess að allir komu heilir heim eftir viðburðaríkan dag.
Næsta keppni í Íslandsmeistaramótinu í rallakstri fer svo fram á Suðvesturlandi 18. – 20. ágúst.
/Fréttatilkynning
Fleiri fréttir
-
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.