Eldur blossaði upp í etanóltækjum samlagsins - „Sprengihætta á svæðinu óveruleg,“ segir slökkviliðsstjóri
Eldur kom upp í eimingarturni mjólkursamlagsins á Sauðárkróki sl. laugardag þegar verið var að keyra prufueimingu niður. Magnús F. Jónsson, forstöðumaður samlagsins, segist lítið geta sagt til um atvikið annað en það að svo virðist sem eldurinn hafi kviknaði út frá rafmagni.
Starfsmenn höfðu snör handtök og náðu að slökkva eldinn áður en slökkviliðið kom á vettvang og segir Magnús ómögulegt að meta að svo stöddu hve mikið tjón hafi orðið. Svavar Atli Birgisson, slökkviliðsstjóri Brunavarna Skagafjarðar, staðfestir að upptök eldsins megi rekja til rafmagns. Hann segir eldinn ekki tengjast etanólinu sjálfu.
Hávær umræða hefur verið í samfélaginu um að mikil sprengihætta sé af væntanlegri etanólframleiðslu en Svavar segir hana sprottna af misskilningi. „Þetta er algengur misskilningur. Það er búið að brunameta og allt tekið út af óháðum aðilum. Sprengihætta á svæðinu er óveruleg. Umræðan var að mörg hundruð metrar væru undir og jafnvel heilbrigðisstofnunin í hættu en svo er ekki. Ég var á bakinu á þeim við hönnunina og eflaust hundleiðinlegur en starfsleyfi hefði aldrei fengist ef svo væri,“ segir Svavar og fullyrðir að sprengihætta þarna væri minni en á bensínstöðvum. „Búið er að reikna út að ef óhapp verður og hugsanleg sprenging, hefði það kannski áhrif nokkra metra frá tankinum, sem er 33 þúsund lítra niðurgrafinn tankur og í steyptri gryfju. Um turninn sjálfan loftar vel og því safnast ekki fyrir gufur og sprengihætta í lágmarki.“
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.