Dalakaffi er falin perla
Unadalur í austanverðum Skagafirði er ekki beinlínis í alfaraleið og alla jafna ekki margir sem hafa lagt leið sína þangað inn. Allt er þó breytingum háð og nú er komið visst aðdráttarafl í þennan fallega dal því fyrir rúmu ári opnaði Dalasetrið í fallegu umhverfi á Helgustöðum í Unadal fyrir gestum. Fyrir um mánuði var bætt um betur en eftir tveggja ára undirbúning var kaffihús opnað á staðnum og kallast Dalakaffi.
Í Dalakaffi er hægt að krækja í gómsætt bakkelsi á borð við pönnsur (með eða án rjóma), sjónvarpstertu, rjómatertur, Dalaköku dagsins og alls konar fínerí, svalandi drykki, kaffi, kakó og jafnvel eitthvað sterkara. Þá er einnig boðið upp á heitt og gott eins og grillsamlokur og Helgustaðarsúpuna sem er vegan grænmetissúpa búin til úr hráefni sem fengið er ... jú, á Helgustöðum.
Þegar blaðamann Feykis bar að garði í góðum félagsskap var Þórarinn Þórðarson, einn af staðarhöldurum, til móttöku. Hann mælti reyndar sérstaklega með Dalasúpunni (kjötsúpunni) sem í boði er. Þórarinn sagði móttökurnar hafa verið góðar frá því staðurinn var opnaður í júní og þá sérstaklega væri fólk duglegt að heimsækja Dalakaffi um helgar.
Unadalur er upp af Hofsósi, í um 3 kílómetra fjarlægð frá Siglufjarðarvegi, gestir þurfa þó kannski að vanda sig við að villast ekki inn í Deildardal. Á Dalasetrinu sjálfu er hægt að fá gistingu og hlúa að heilsunni. Sjón er sögu ríkari.
- - - - -
Myndirnar að neðan eru ýmist teknar af blaðamanni eða fengnar af Facebook-síðu Dalaseturs ehf.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.