Alor og Straumlind í samstarf
Raforkusalinn Straumlind og nýsköpunarfyrirtækið Alor, sem stjórnað er af Skagfirðingum, hafa undirritað viljayfirlýsingu um samstarf sem snýr að því að þróa lausnir í því skyni að bæta orkunýtingu rafmagns, jafna álag og selja hagkvæmt rafmagn til heimila landsins.
Í tilkynningu til fjölmiðla segir að frá árinu 2021 hafi Straumlind boðið Íslendingum að kaupa rafmagn á hagkvæmu verði og noti til þess eigið tölvukerfi, hannað með snjallmæla, sjálfvirkni og framtíðina í huga. Tölvukerfið gefur Straumlind sérstöðu á markaði og mikla aðlögunarhæfni og var fyrirtækið þar með fyrsti raforkusalinn til að sjálfvirknivæða nýskráningar og bjóða almennum notendum Ódýrara rafmagn á nóttunni.
„Við hjá Straumlind teljum að íslensk heimili geti leikið stórt hlutverk í að nýta raforkukerfið betur. Betri nýting innviða minnkar þörf fyrir ótímabærar og dýrar fjárfestingar til að ráða við álagstoppa. Straumlind vinnur að kappi að því að vera besti valkostur heimilanna á raforkumarkaði bæði út frá verði og þróun á snjöllum lausnum. Í dag bjóðum við lægsta verðið á markaði, Ódýrara rafmagn á nóttunni og erum að þróa lausnir sem veita munu hinum almenna notanda upplýsingar og jákvæða hvata til að stuðla að álagsjöfnun. Við höfum trú á því að samstarf við Alor geti veitt mikilvægan stuðning við þessi verkefni,“ segir Símon Einarsson, framkvæmdastjóri Straumlindar.
Alor vinnur að þróun á vistvænum orkugeymslum með rafhlöðum sem munu styðja við verkefni Straumlindar í tengslum þróun lausna við álagsjöfnun, orkunýtingu og sölu á hagkvæmu rafmagni á Íslandi. Í tilkynningunni kemur fram að árafhlöður Alor séu um 95% endurvinnanlegar, með lítið umhverfisfótspor auk þess að vera öruggar í meðhöndlun og flutningi þar sem af þeim stafar hvorki eld- né sprengihætta. Rannsóknir hafa sýnt að endingartími rafhlaðanna er a.m.k. tvöfalt lengri en þekktrar rafhlöðutækni á markaði í dag. Áætlað er að vöruþróunarvinnu á rafhlöðulausnum ljúki undir lok árs 2024.
„Það hefur aldrei verið mikilvægara að nýta framleitt rafmagn sem best og þar spila orkugeymslur lykilhlutverk, þ.e. með því að geyma rafmagn þar til þess er þörf og fletja álagstoppa. Stórar áskoranir kalla á samstarf ólíkra aðila og við teljum að verðmætar lausnir geti skapast með því að leiða saman okkar byltingakenndu rafhlöðutækni og raforkusala sem hefur nýsköpun að leiðarljósi,“ segir Linda Fanney Valgeirsdóttir, framkvæmdastýra Alor.
Tengdar fréttir:
Linda Fanney nýr framkvæmdastjóri og stjórnarkona hjá Alor ehf.
Vistvænar orkugeymslur í sjálfbær íbúðarhús
Landsnet, Orka náttúrunnar og Tengill í samstarf við Alor ehf.
Alor tekur þátt í að efla öryggi í fjarskiptum
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.