Vinsæll kúrekapottréttur og eplakaka með marengs
Matgæðingar 38. tölublaðs Feykis árið 2018 voru Ósk Jóhannesdóttir og Guðmann Valdimarsson, búsett á Blönduósi en Guðmann er Blönduósingur að upplagi og Ósk er fædd og uppalin á Akureyri. Guðmann vinnur hjá Rafmagsverkstæðinu Átak en Ósk er heimavinnandi ásamt því að vinna með fötluðum. Þau eiga tvö börn, Valdimar Loga og Stefaníu Björgu.
Ósk og Guðmann gáfu lesendum uppskrift að kúrekapottrétti sem þau sögðu að væri mjög vinsæll hjá börnunum á heimilinu og oft pantaður. Uppskriftina að réttinum sagðist Ósk hafa fengið hjá systur sinni ásamt eftirréttinum sem þau buðu upp á. „Það er eplakaka með marengs sem smakkast guðdómlega og að sjálfsögðu þarf að vera með ís með honum,“ sagði Ósk.
AÐALRÉTTUR
Kúrekapottréttur (Chili con carne)
U.þ.b. 500 g folaldagúllas
2 laukar, saxaðir
½ -1 hvítlaukur, saxaður
1 dós tómatpúrra, 170 g
1-2 nautateningar
chilipipar
svartur pipar, grófmalaður
smávegis af salti
u.þ.b. 2 msk. paprikuduft
u.þ.b. ½ l vatn
1 dós bakaðar baunir (mega vera 2 dósir ef þið viljið)
100-200 g beikon, skorið í bita
Aðferð:
Gúllas og beikon brúnað. Tekið af pönnunni og geymt meðan grænmetið er glærað í smá smjöri og olíu. Þá er gúllasinu hrært út í og kryddað með paprikuduftinu, teningum og chiliduftinu. Mallað í u.þ.b. ½ -1 mínútu. Þá er vatni og púrru hrært út í og látið malla, allt upp í þrjár klukkustundir en að minnsta kosti eina, þannig að mesta vatnið hafi gufað upp og bara þykk sósa eftir. Smakkið til með salti og pipar. Í lokin, rétt áður en borið er fram þá er bökuðu baununum bætt út í og bara látið hitna en ekki sjóða.
Flott með hrísgrjónum og góðu brauði með smjöri.
EFTIRRÉTTUR
Eplakaka með marengs
Botn:
150 g smjör
3½ dl hveiti
1 msk. vatn
Aðferð:
Hnoðið létt saman. Þrýstið í eldfast mót og upp með hliðunum. Pikkið botninn með gaffli og bakið í 10 mínútur við 200°C.
Fylling:
4 stór epli, afhýdd og steinhreinsuð og skorin í bita
2 dl sykur
2 tsk. kanill
Sjóðið allt saman í u.þ.b. 8 til 10 mínútur. Setjið allt saman yfir deigið í bakkanum.
Marengs:
3 eggjahvítur
1½ dl sykur
Stífþeytið hvíturnar og blandið sykrinum smátt og smátt út í. Þekið eplin með marengsinum og bakið í 150° heitum ofni í 25 mínútur.
Best með vanilluís eða rjóma.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.