Uppáhalds uppskriftir fjölskyldunnar
Það voru þau Jensína Lýðsdóttir og Bjarni Ottósson á Skagaströnd sem leyfðu lesendum að fá innsýn í uppáhaldsuppskriftirnar sínar í 22. tölublaði Feykis árið 2015. „Uppskriftirnar eru úr öllum áttum en eiga það sameiginlegt að vera í miklu uppáhaldi hjá fjölskyldunni. Það eru engin jól nema hafa humarsúpuna á borðum. Og heiti rétturinn er eiginlega eini heiti rétturinn sem er gerður á heimilinu þessa stundina,“ sögðu sælkerarnir Jensína og Bjarni.
Forréttur
Humarsúpa
18 humarhalar (í skel)
2 ½ l vatn
1 lítill laukur
1 gulrót
1 sellerístilkur
1 lárviðarlauf
10 heil piparkorn
2 msk tómatmauk
2 dl hvítvín eða mysa
2 msk humarkraftur
cayenne pipar á hnífsoddi
2 hvítlauksgeirar
2 ½ dl rjómi
steinseljustilkur, eitt búnt (má sleppa)
Smjörbolla:
70 g smjörlíki
70 g hveiti
Aðferð:
Skelflettið humarinn og brúnið skeljarnar í stórum potti í 2 msk af olíu þar til þær verða gullbrúnar. Grófsaxið lauk, sellerí, og gulrætur og bætið í pottinn ásamt tómatmaukinu og látið krauma í smá stund. Bætið vatninu saman við ásamt afganginum af hráefninu í soðuppskriftinni. Sjóðið upp og fleytið froðunni ofan af. Látið sjóða áfram við vægan hita í u.þ.b. 4-5 klst. Sigtið soðið, mælið upp 1,5 lítra og bakið upp með smjörbollunni. Bætið rjómanum út í og bragðbætið með salti, pipar og fiskikrafti.
Rétt áður en súpan er borin fram er humarhölunum bætt í ásamt fínt saxaðri steinselju. Ath. að humarinn má ekki sjóða meira en tvær mínútur. Berið fram með brauðkollum.
Brauðréttur
Heiti rétturinn
1 brauð
1 bréf skinka
1 bréf beikon
½ bréf hangikjöt eða hangikjötskurl
1 dolla beikonostur
4-500 dl rjómi
ostur
Aðferð:
Brauðið rifið niður í eldfast mót, skinka, beikon og hangikjöt steikt á pönnu, beikonostur og rjómi sett út á og látið malla aðeins, svo er öllu hellt yfir brauðið og ostinum dreift yfir. Sett í ofninn við u.þ.b. 180°C, þar til rétturinn er orðin gulbrúnn.
Eftirréttur
Sælgætisterta
Botn:
2 egg
70 g sykur
30 g hveiti
30 g kartöflumjöl
1 tsk lyftiduft
Aðferð:Þeytið egg og sykur mjög vel saman. Sigtið saman hveiti, kartöflumjöl og lyftiduft og blandið varlega saman við með sleif. Setjið bökunarpappír í botninn á 22 cm hringlaga móti. Bakið neðarlega í 175°C heitum ofni í u.þ.b. 12 mín.
Marengs:
3 eggjahvítur
150 g sykur
Aðferð:
Stífþeytið eggjahvíturnar og bætið sykrinum smám saman út í, þeytið mjög vel. Teiknið 22 cm hring á bökunarpappír og smyrjið maregnsinum þar á og bakið í 100°C heitum ofni í tvo tíma.
Krem:
3 eggjarauður
4 msk flórsykur
70 g suðusúkkulaði
2 ½ dl rjómi
Aðferð:
Þeytið saman eggjarauður og flórsykur, bræðið súkkulaðið í vatnsbaði og látið hitann rjúka úr og hrærið saman við eggjarauðurnar. Þeytið rjómann og blandið vandlega saman við kremið.
Fylling og skraut:
3 dl rjómi
50 g súkkulaði
Samsetning:
Þeytið rjómann og setjið tertuna þannig saman: Fyrst botn þá rjóma og svo krem, marengs, rjóma og loks krem. Látið tertuna standa í ísskáp í 6-8 tíma áður en hún er borin fram. Skreytið með bræddu súkkulaði.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.