Silungur og lambafille úr héraði
Matgæðingar vikunnar í 11. tbl. Feykis árið 2017 voru þau Brynja Birgisdóttir og Bjarni Kristinsson sem fluttu á Blönduós árið 2012 ásamt tveimur börnum sínum og sögðust una þar hag sínum hið besta. Á heimilinu er eldað af tilfinningu og leggja þau áherslu á að nota Prima kryddin sem eru framleidd hjá Vilko á Blönduósi og segjast geta mælt með þeim. Þau buðu upp á silung úr héraði og lambafille frá Neðri-Mýrum ásamt suðrænum ávöxtum.
FORRÉTTUR (fyrir 4)
Léttsteiktur silungur/bleikja með spergli
1-2 flök silungur
50-100 g smjör
salt
pipar
fiskikrydd frá Prima
80 g parmesan ostur
Spergillinn:
1-2 búnt ferskur spergill (600 -700 g)
1 sítróna
2-3 tsk hunang
salt og pipar eftir smekk
steinselja
Aðferð:
Setjið upp vatn í pott og saltið nokkuð vel og láatið suðuna koma upp á meðan silungurinn er gerður klár til steikingar. Skerið flökin í passlega bita (u.þ.b. fjórir bitar úr flakinu), bræðið 50-100 g af smjöri á pönnunni og penslið silungsstykkin með því áður en smjörið er alveg orðið heitt. Stráið svo örlitlu af steinselju og fiskikryddi frá Prima yfir, piprið og saltið eftir smekk. Setjið svo bitana á vel heita pönnuna, roðið fyrst og steikið stutta stund, snúið fiskinum á pönnunni. Þá er gott að setja spergilinn út í sjóðandi saltvatnið og sjóða í 2-3 mín eða þannig að hann mýkist. Snúið svo silungnum einu sinni enn og látið steikjast í 1 mín til viðbótar. Með þessum rétti er gott að hafa sítrónusósu.
Kreistið eina sítrónu, setjið 2-3 tsk af hunangi saman við bragðbætið með salti og nýmöluðum svörtum pipar.
Takið spergilinn upp og setjið hann á disk, 3-4 stk á hvern disk. Setjið svo silunginn þar ofan á og loks sítrónusósuna ásamt parmesanostinum. Berið fram heitt, gott er að hafa salat á kantinum. Það má vera eins og hvern lystir, ég tók Lambhagasalat reif það niður, skar þá rauðlauk og púrrulauk ásamt avakadói og setti á diskinn sletti svo smá dass af avakado olíu yfir.
AÐALRÉTTUR
Lambfille með sveppasósu, kartöflubátum og gufusoðnu grænmeti
4 bitar lamafille (eða einn úrbeinaður hryggur)
50 g smjör
villijurtakrydd, pipar, salt og aromat
kartöflur
Aðferð:
Kartöflur skornar í báta og settar í eldfast mót, slettið smá olífuolíu yfir og stráið Rósmarín kryddi og slatta af grófu salti yfir ásamt svolitlu af svörtum pipar. Hrærið vel saman. Setjið inn í ofn og bakið við 170° í u.þ.b. 30-40 mín eða þar til kartöflurnar eru fallega brúnaðar.
Setjið smjörið á pönnuna og hitið vel, setjið þá kjötið á pönnuna og snúið fituhliðinni niður. Kryddið kjöthliðina á meðan, setjið tilfinninguna í þetta, brúnið létt og snúið kjötinu við og kryddið vel. Setjið nú smá salt á puruna, lokið kjötinu og setjið í eldfast mót og inn í ofn við 170° í u.þ.b. 15 mín. Þetta ætti að haldast í hendur við kartöflurnar.
Sósa
ein askja sveppir
50-100 g smjör
5 dl rjómi
salt og hvítlauksduft
Aðferð:
Sveppirnir eru sneiddir niður, smjör sett í pott og brætt. Setjið sveppina saman við þegar smjörið er orðið heitt, hrærið í þeim. Þegar sveppirnir eru orðnir mjúkir skuluð þið setja 5 dl rjóma saman við og hræra vel. Setjið örlítið af salti og hvítlauksdufti saman við, smakkið til og látið þetta malla við lágan hita þar til sósan fer aðeins að þykkna. Berið fram með kjötinu.
EFTIRRÉTTUR
Suðrænir ávextir með bræddu súkkulaði og kaffi
Aðferð:
Skerið ávexti og setjið á disk eða í lága skál. Bræðið 150 g súkkulaði og setjið 40 g smjör saman við ásamt 2 msk af sírópi. Þegar súkkulaðið er tilbúið er það sett yfir ávextina eftir smekk. Það má bera þetta fram með þeyttum rjóma.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.