Ofnbakaður þorskur með pistasíum og ís í ætri skál
„Aðalrétturinn er í boði Eldhússagna (eldhussogur.com) og er þetta einn besti fiskréttur sem við höfum bragðað. Ekki skemmir heldur fyrir að auðvelt er að slá um fyrir sér og setja matinn á disk og bera fram þannig að líti út eins og meistarakokkar hafi framreitt hann,“ sögðu matgæðingar 32. tbl. Feykis 2016, þau María Eymundsdóttir og Pálmi Jónsson á Sauðárkróki.
Aðalréttur
Ofnbakaður þorskur með pistasíum, sætkartöflumús og sojasmjörsósu fyrir 6
Sætkartöflumús
1 kg sætar kartöflur, skrældar og skornar í bita
2-4 kartöflur, skrældar og skornar í bita
1 rautt chili, fræhreinsað
1 lime, safinn
2 msk smjör
salt og pipar eftir smekk
Aðferð:
Sæt- og venjulegu kartöflurnar soðnar þangað til þær eru mjúkar með chili, annaðhvort skornu í tvennt eða í litla bita eftir því hvað kartöflustappan á að vera sterk. Fyrir kisurnar er betra að hafa chilið í stórum bitum svo hægt sé að taka það úr áður en kartöflurnar eru stappaðar. Lime, smjör, salt og pipar bætt út í og öllu stappað saman.
Þorskur og pistasíusalsa
1200 g þorskhnakkar eða flök
salt og pipar eftir smekk
7 msk saxaðar pistasíur
6 msk sítrónusafi og hýði af 1 sítrónu
2 msk olía
2dl fersk söxuð steinselja, ekki verra að rækta hana í eldhúsglugganum
½-1 chili, fræhreinsað og fínsaxað
Aðferð:
Þorskurinn er skorinn í bita og raðað í eldfast mót. Kryddaður með salti og pipar eftir smekk. Fyrir þá sem hafa ekkert sérstaklega gaman af að saxa mat í höndunum þá er alveg eins gott að setja steinselju, pistasíur, chilli og sítrónusafann og hýðið í matvinnsluvél eða nota töfrasprota. Þegar allt er komið í hentuga bita er matarolíunni hrært saman við. Þegar salsað er tilbúið er því dreift yfir fiskinn og sett í ofn sem búið var að forhita upp í 220°C. Eldað í u.þ.b. 12-15 mínútur.
Sojasmjörsósa
9 msk smjör
3 skarlottlaukar, fínt saxaðir
3 hvítlauksrif fínt söxuð
2 tsk rautt chilli, fínt saxað
6 msk sojasósa
3 msk steinselja, fínt söxuð
Aðferð:
Smjörið er brætt í potti og látið krauma við lágan hita í u.þ.b. 15 mínútur og froðan veidd af. Afganginum af hráefnunum bætt saman við rétt áður en maturinn er borinn fram.
Gott er að elda réttinn í sömu röð og uppskriftirnar eru gefnar upp og ætti þá enginn að þurfa að lenda í stressi eða bíða eftir að einhver hluti réttarins verði tilbúinn.
Eftirréttur
Ís í ætri skál
Þar sem að aðeins þarf að nostra við aðalréttinn fannst okkur tilvalið að hafa eftirréttinn einfaldan og fljótlegan og í anda árstíðarinnar sem er núna.
Ísskál
Afgangur af pönnukökum, eða vöfflum, má alveg vera frá deginum áður. Tekin er ein pönnukaka og sett ofan á litla skál eða glas þannig að miðjan á pönnukökunni sé nokkurn veginn á miðju glasinu. Sett í örbylgjuofn á hæstu stillingu í 1-3 mínútur eða þangað til pönnukakan er orðin það hörð að hún getur staðið sjálf. Gerðar eru jafnmargar skálar og fjöldi þeirra sem er í mat.
Þegar ísskálin er orðin köld eru settar 1-2 ískúlur af uppáhaldsísnum í hverja skál, ber að eigin smekk og dass af hunangi dreift yfir. Ekki skemmir fyrir að vera búinn að kíkja í berjamó til að geta nýtt glæný blá- og krækiber og fyrir þá sem eru með vott af grænum fingrum er algjör snilld að eiga hindberjarunna úti í garði þar sem er sólríkt og ágætt skjól til að tína í eftirréttinn.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.