Mexíkanskt lasagna, sósa og salat
Jenný Þórkatla Magnúsdóttir og Arnar Svansson voru matgæðingar vikunnar í 18. tbl. Feykis 2017. Þá voru þau nýflutt frá Njarðvík til Hvammstanga ásamt tveimur börnum sínum, öðru í leikskóla og hinu í 5. bekk, og sáu ekki eftir því. Jenný tók við starfi sviðsstjóra á fjölskyldusviði í Húnaþingi vestra, Arnar er stuðningsfulltrúi í grunnskólanum. „Lífið á Hvammstanga hefur verið einstaklega ljúft og erum við búin að koma okkur vel fyrir og höfum við kynnst mörgu frábæru fólki,“ sögðu þau.
„Flestir fjölskyldumeðlimir fá heitan mat í hádeginu, þá er nú oftast eitthvert snarl á kvöldin og njótum við því að elda góðan mat um helgar. Í uppáhaldi hjá okkur öllum er folaldakjöt. Það er yfirleitt bara kryddað og grillað eða sett á pönnu með engri olíu, gott salat og einhverjar skemmtilegar kartöflur hafðar með. Við borðum líka mikið af fersku salati og ristum við helst alltaf einhver fræ út í það. Galdurinn við að gera salatið enn betra er að setja fetaost yfir salatið og hella svo heitum fræjum yfir hann. Okkur langar að deila með ykkur sitt litlu af hverju, einum kjúklingarétti sem er vinsæll hjá okkur, góðu spínatsalati og sósu sem við fáum ekki leið á,“ segja matgæðingarnir Jenný og Arnar.
RÉTTUR 1
Mexíkanskt lasagna
1 stk. rauðlaukur
1 stk .rauð paprika
4 kjúklingabringur
mexikanskt krydd í bréfi
2 krukkur salsasósa
1 dós (400 g) rjómaostur
4 burito vefjur
rifinn ostur
Aðferð:
Steikið grænmetið og kjúklinginn saman og kryddið, salsasósur og rjómaostur sett saman í pott og hitað þangað til rjómaosturinn er bráðnaður. Setjið þá allt saman, grænmetið, kjúklinginn og sósuna. Leggið eina vefju í eldfast mót og ausið sósunni með innihaldinu yfir, setjið aðra vefju og gerið eins þangað til mótið er orðið fullt og stráið rifnum osti yfir og bakið þangað til osturinn er bráðnaður. Borið fram með Nachosi.
RÉTTUR 2
Æðisleg sósa með grillinu í sumar
„Þessi sósa er mikið notuð á okkar heimili, sérstaklega með grilluðum mat. Hún er góð með öllum mat en þó sérstaklega með grilluðum kjúkling og sætum kartöflum.“
1 dós sýrður rjómi, við notum alltaf 18%
1 hvítlauksrif
biti af engiferrót, gott er að miða við svipaða stærð og hvítlauksrifið.
Pressið hvítlaukinn og engiferrótina saman við sýrða rjómann í sitt hvoru lagi og hrærið. Ef ykkur finnst þetta vera of sterkt þá minnkið hvítlaukinn og engiferrótina.
RÉTTUR 3
Spínatsalat
1 rauðlaukur
100 g waterchestnuts
1 poki frosið spínat (afþýtt)
1 pk. púrrulaukssúpa
1 dós sýrður rjómi
3 msk grísk jógurt
Takið spínatið og leggið á þerripappír og reynið að vinda vökvann eins vel og þið getið. Saxið laukinn og hneturnar smátt og setjið í skál, Klippið spínatið einnig smátt og bætið út í. Sigtið súpuna yfir þannig að ekki fari neitt gróft úr henni í salatið. Bætið sýrðum rjóma og jógúrtinu saman við og hrærið. Mjög gott er að gera þetta salat daginn áður en á að borða það. Borið fram með brauði eða kexi.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.