Matgæðingar vikunnar tbl 4 - Kjúklingur með pestó og bollukrans
Matgæðingar vikunnar eru þau Andrés Magnússon og konan hans Anna Ágústsdóttir, en þau fengu áskorun frá Björgu Árdísi Kristjánsdóttur. Fjölskyldan er þessi venjulega vísitölufjölskylda, hjón með tvö börn. Andrés er 34 ára og vinnur sem tæknimaður hjá Tengli í Reykjavík en Anna leggur stund á mastersnám við Háskólann í Reykjavík þar sem hún lærir hagnýta atferlisgreiningu.
„Við eigum, eins og áður kom fram, tvö börn, dóttir okkar heitir Hrafnkatla, hún er á 7. ári og sonur okkar heitir Birkir Ágúst, hann er á 4. ári. Við búum í Grafarvogi en ég flutti frá Sauðárkróki til Reykjavíkur þegar ég var 18 ára og hef búið þar síðan. Við erum ekki mikið í tilraunum í eldhúsinu þessa dagana en ég ætla að setja inn mína uppáhaldsuppskrift af klassískum kjúkling með pesto,“ segir Andrés.
AÐALRÉTTUR
Kjúklingur með rauðu pesto og spínati
4 kjúklingabringur
1 krukka rautt pesto
1 krukka salatostur
1 poki af spínatkál góður slatti af döðlum
Aðferð: Kjúklingur skorinn í bita og settur í stórt eldfast mót eða Le Creuset pott. Krukku af pestó blandað saman við. Spínatkálið fer allt í pottinn. Næst set ég salatostinn í pottinn en það er betra að setja bara ostinn en ekki alla olíuna með, annars verður of mikil olía í pottinum eftir eldun. Í restina set ég góðan
slatta af döðlum og blanda öllu saman. Potturinn er settur í ofn á 180°C með blæstri, í svona 40 til 50 mínútur. Ég tek pottinn út og hræri í þessu einu sinni á eldunartímanum. Þetta er borið fram með hrísgrjónum, fersku salati og hvítlauksbrauði á sparidögum.
EFTIRRÉTTUR
Brauðbollur og bollukrans
„Eftir að maður fór að vera meira heima um helgar með krökkunum þá finnst okkur gaman að baka saman og þá bökum við stundum bollur með kaffinu og læt ég fylgja með brauðbollu-uppskrift sem við gerum reglulega en hana er að finna á síðunni Gott í matinn
2 dl ylvolgt vatn
2 dl nýmjólk
2½ tsk. þurrger
2 msk. sykur
1 tsk. salt
50 g smjör, brætt
2 stk. egg, annað til pensunar
8 dl hveiti (um 8-10 dl)
Aðferð: Hrærið mjólk og vatn saman í skál. Setjið þurrger saman við. Hrærið þar til freyðir. Látið þá sykur, salt, 1 egg og brætt smjör (passa að það sé ekki of heitt) út í. Hrærið. Setjið hveitið saman við smátt og smátt. Hrærið og hnoðið þar til þið hafið óklístrað deig. Þið gætuð þurft minna eða meira hveiti. Hnoðið í stutta stund. Leggið deigið aftur í skálina og breiðið hreint þvottastykki yfir og látið hefast á hlýjum stað í 40 mínútur. Skiptið deiginu í 22 bita og mótið bollur. Látið hefast í 20 mínútur. Penslið með þeyttu eggi og bakið í 15-20 mínútur við 200°C.
Bollukrans
Aðferð: Fyrir sérstök tilefni er gaman að raða bollunum upp í fallegan krans. Klæðið bökunarplötu með bökunarpappír og setjið hringlaga eldfast mót í miðjuna. Gott er að mótið sé um 8-10 cm í þvermál. Raðið átta bollum í kringum mótið. Passið að þær snerti hvorki mótið né hver aðra. Raðið restinni af bollunum fyrir aftan þessar átta og gætið þess að þær komi ekki við hver aðra. Látið hefast í 20 mínútur.
Verði ykkur að góðu!
Andrés skorar á skólabróður sinn, Árna Geir Sigurbjörnsson, að taka við matgæðingaþætti Feykis.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.