Litlar kjötbollur, Pavlova og fljótlegt brauð
Feykir.is dustar rykið af gömlum matgæðingaþáttum. Í 29. tbl. ársins 2018 sáu þau Ármann Óli Birgisson og Matthildur Birgisdóttir á Blönduósi um matreiðsluna.
„Það er fátt skemmtilegra en að gæða sér á góðum mat í góðra vina hópi en stundum er einfaldleikinn góður og þegar annríkið tekur völdin getur verið gott að eiga mat í kistunni. Því ákváðum við að bjóða upp á einfalt, fljótlegt og þægilegt þessa vikuna og síðast en ekki síst gott. Það getur verið ansi þægilegt að eiga góðar kjötbollur til að grípa upp úr kistunni eftir annasaman dag. Því er aðalréttur vikunnar bestu kjötbollur sem við höfum smakkað. Við hreinlega fáum ekki nóg af þessum og það besta við þær er að stelpurnar okkar elska þegar þetta er borið á matarborðið. Við reynum að eiga alltaf kjötbollur í frystinum,“ sögðu Matthildur og Ármann.
AÐALRÉTTUR
Litlar kjötbollur
1 kg nautahakk (eða það hakk sem til er í kistunni)
1 bréf af púrrulaukssúpu
1 pakki Ritzkex
Aðferð:
Myljið Ritzkexið mjög smátt og blandið saman við hakkið ásamt súpuduftinu. Því næst er að gera litlar bollur, sirka munnbitastærð, og steikja síðan á pönnu.
Sósa (miðast við 500 g af bollum):
1-2 flöskur Heinz Chili sósa
3-4 msk. rifsberjahlaup
Þessu blandað saman og hitað að suðu. Sósunni síðan hellt yfir kjötbollurnar og þær hitaðar í ofni í 20-30 mín við 180°C.
Húsfreyjunni þykir heldur skemmtilegra að baka en elda og er því vel við hæfi að hafa tvo rétti sem þarf að baka. Fyrst er það Pavlovan sem hefur ansi oft verið borin á borð á heimilinu, það er frekar fljótlegt að hrista þessa fram úr erminni og bera fram í eftirrétt.
EFTIRRÉTTUR
Pavlova
4 stk. eggjahvítur
200 g sykur
1 tsk. borðedik
½ tsk. kartöflumjöl
Aðferð:
Byrjið á því að stífþeyta eggjahvíturnar og að því loknu er sykrinum bætt saman við og stífþeytt aftur. Blandið síðan edikinu og kartöflumjölinu varlega saman við með sleif.
Þessu er síðan smurt á bökunarpappír sem búið að er strika 21 cm hring í þvermál á.
Bakað við 130°C í u.þ.b. 1 klst og 15 mín.
Til að fullkomna Pavlovuna þarf góðan rjóma.
Rjómi:
2½ dl rjómi
1½ tsk. sykur
½ tsk. vanilludropar
Öllu blandað saman þeytt og síðan smurt ofan á Pavlovuna. Skreytið Pavlovuna síðan að vild með góðum berjum.
Hver elskar ekki nýbakað brauð! Nýbakað brauð með smjöri og osti er bara með því betra sem við fáum, enda miklir sælkerar á þessu heimili. Fljótlegt og einstaklega gott brauð.
Réttur 3
Brauð
370 g gróft spelt
1 msk. lyftiduft
1 tsk. sjávarsalt
2 msk. agave sýróp
350 ml möndlumjólk
Aðferð:
Blandið þurrefnunum saman. Vökvanum síðan bætt við og hrært varlega þangað til deigið er orðið eins og þykkur grautur. Hrærið sem minnst (annars getur deigið orðið seigt og illviðráðanlegt). Bakið í brauðformi í um 45 mínútur við 180°C. Takið þá brauðið úr forminu og bakið í 5-10 mínútur til viðbótar.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.