Lasagne a‘la Árni og beikonvafðir þorskhnakkar með Mexikóosti
Matgæðingar vikunnar í 48. tölublaði árið 2015 voru þau Árni Halldór Eðvarðsson og Þorgerður Þóra Hlynsdóttir, eða Gigga eins og hún er alltaf kölluð. Árni vinnur á Trésmíðaverkstæði Helga Gunnarssonar og Gigga er tómstunda- og félagsmálafræðingur og sér um Félagsmiðstöðina á Skagaströnd ásamt því að kenna smíðar og fleira við Höfðaskóla.
„Bacon er í miklu uppáhaldi og því var tilvalið að hafa bæði fisk og kjötrétt með baconi. Við ákváðum samt að sleppa því að setja það í eftirréttinn. Við ætlum að bjóða upp á baonvafða þorskhnakka með Mexíkósosti, lasagne fyrir kjötelskendur og ljómandi góða rúgbrauðstertu.“
Aðalréttur I
Lasagne a‘la Árni
800-1000 g hakk
2 pakkar beikon
u.þ.b. 5 pylsur
rifinn ostur
2 stórar dósir Hunts pasta sauce, Italian sausage
lasagneplötur
krydd eftir smekk
Aðferð:
Steikið hakkið og kryddið eftir smekk. Beikon steikt þar til það er stökkt og pylsurnar brytjaðar og steiktar. Allt sett í pott og sósan út í og látið malla saman í smá tíma. Setjið Lasagneplötur og sósu til skiptis þar til allt er búið úr pottinum, stráið rifnum osti yfir og inn í 180-200°C heita ofn í u.þ.b. 20 mínútur. Borið fram með hvítlauksbrauði.
Aðalréttur II
Beikonvafðir þorskhnakkar með Mexikóosti
5 vænir þorskhnakkar, skornir eftir endilöngu
1 Mexikóostur
1 pk. beikon
¼ - ½ l rjómi
2–3 kjúklingateningar/svínateningar (eða bara hvað sem ykkur dettur í hug)
salt og pipar
sojasósa
Aðferð:
Mexikóostur skorinn í sneiðar og settur inn í þorskinn. Beikon vafið utan um og steikt á pönnu á báðum hliðum. Kryddað með salti og pipar og sett í eldfast mót. Setjið rjóma og teninga í pott og bragðbætið með sojasósu. Látið malla í svolitla stund og hellið í mótið með fiskinum. Sett inn í 200°C heitan ofn þar til fiskurinn er eldaður í gegn.
Borið fram með hrísgrjónum og salati.
Eftirréttur
Rúgbrauðsterta
4 egg
200 g sykur
125 g rifið seytt rúgbrauð
1 msk kartöflumjöl
1 msk kakó (má sleppa)
1 tsk lyftiduft
Aðferð:
Egg og sykur þeytt saman. Þurrefnunum blandað saman og sett varlega út í eggja- og sykurþeytinginn. Rúgbrauðið er rifið og sett út í blönduna. Skipt í tvo til þrjá hluta og bakað eins og svampbotnar. Botnarnir eru síðan smurðir með títuberjasultu eða hrútaberjahlaupi og lagðir saman með þeyttum rjóma á milli laga. Þeyttum rjóma smurt ofan á og rifnu súkkulaði stráð yfir. Kakan er lang best ef hún fær að kúra í ísskápnum yfir nótt.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.