„Hvað er betra á frostköldu vetrarkvöldi en dýrindis lambalæri“
„Á okkar heimili er nú oftast eldað af illri nauðsyn, ekki af því að okkur þyki eitthvað leiðinlegt að borða, heldur af því að við höfum ekkert sérstaklega gaman af að elda. Stundum brettum við þó upp ermarnar og eldum eitthvað þokkalega gott. Við skulum nú ekkert vera að tíunda hvort okkar sér frekar um eldamennskuna, sumum þykir bara einfaldlega meira gaman að ganga frá en öðrum!“ segja matgæðingarnir Fríða Eyjólfsdóttir og Árni Eyþór Bjarkason á Hofsósi sem voru matgæðingar vikunnar í öðru tölublaði ársins 2016.
„Þó að jólin séu rétt að renna úr hlaði þá ætlum við ekki að fara að bjóða upp á neitt „grænmetissull“, nei, við skulum halda áfram að kýla kviðinn og hvað er betra á frostköldu vetrarkvöldi en dýrindis lambalæri. Við erum afar sjaldan með forrétt en látum samt eina ágæta uppskrift fylgja.“
Forréttur
Rækjuforréttur (fyrir 4)
400 g rækjur
1 dl tómatsósa
½ rauðlaukur, saxaður
½ rauð paprika, söxuð
1 hvítlauksrif, saxað
¼ dl sérrí
¼ haus jöklasalat
1 kvistur ferskt dill (má sleppa)
Aðferð:
Blandið lauk, papriku, hvítlauk og sérrí saman við tómatsósuna. Látið standa í kæli í 1-2 klst. Þá er rækjunum bætt í. Jöklasalatið skorið niður og sett á disk, rækjurnar ofan á og skreytt með fersku dilli. Borið fram með ristuðu brauði og smjöri.
Aðalréttur
Grátandi lambalæri
1 lambalæri
olífuolía
6 hvítlauksrif, 2 skorin í ræmur, 4 söxuð
1 msk saxað rósmarín, ferskt (eða 1 tsk þurrkað)
2 msk mulið timjan, ferskt (eða 1 msk þurrkað)
salt og pipar
1½ kg kartöflur, þunnt sneiddar
40 g smjör
Aðferð:
Nuddið kjötið með olíu. Skerið litlar, djúpar rifur í kjötið og stingið hvítlauksræmunum þar í. Stráið kryddinu yfir kjötið (líka salti og pipar). Raðið kartöflunum í eldfast fat sem er aðeins lengra en lærið. Stráið salti, pipar og söxuðum hvítlauk yfir kartöflurnar og dreifið smjöri yfir. Setjið fatið neðst í ofninn og kjötið á grind þar yfir svo kjötsafinn drjúpi á kartöflurnar. (Af þessu er nafnið á uppskriftinni dregið).
Steikið við 225°C í 1½ klst. eða þar til kjötið er hæfilega steikt. Lækkið hitann ef kartöflurnar brúnast of mikið. Hrærið í þeim einu sinni eða tvisvar meðan á steikingu stendur.
Með þessu ber maður fram uppáhaldsmeðlætið sitt og þá sósu sem hugurinn girnist.
Eftirréttur
Sæluhrollur
10 plötur After Eight, saxaðar
1 dl sykur
1 box fersk jarðarber, skorin í bita
1 banani, skorinn í sneiðar
1 saxað epli
2 dl þeyttur rjómi
Aðferð:
Blandið öllu nema rjómanum saman í skál og látið standa í kæli í 10 mínútur á meðan sykurinn bráðnar með ávöxtunum. Skiptið í sex skálar og setjið rjómann ofan á. Borið fram með After Eight sósu.
After Eight sósa:
9 plötur After Eight
1 eggjarauða
3-4 msk mjólk
Aðferð:
Bræðið After Eight plöturnar í vatnsbaði. Takið þær af hitanum og bætið eggjarauðunni í. Þynnið sósuna með mjólkinni. Látið mesta hitann rjúka úr sósunni áður en hún er sett yfir ávextina og rjómann.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.