Hunangs- og sojagljáður kjúklingur og sænsk Kladdkaka
Matgæðingar vikunnar í 23. tölublaði Feykis 2015 voru Sæunn Vigdís Sigvaldadóttir og Brynjar Már Eðvaldsson. Þau buðu lesendum upp á girnilegar uppskriftir af Bruschetta í forrétt, hunangs- og sojagljáðan kjúkling og sænska Kladdköku með karamellukremi í eftirrétt.
Forréttur
Bruschetta (fyrir 4)
2 snittubrauð
ólífuolía
salt
4 tómatar
1 rauðlaukur
hnefi af fersku basil
2 kúlur mozzarella ostur
Aðferð:
Snittubrauð skorin niður og pensluð báðum megin með ólífuolíu, salti stráð yfir og sett í 180°C heitan ofn og látið bakast aðeins eða þar til brauðið er farið að brúnast og orðið stökkt. Tómatar, rauðlaukur og basil skorið smátt og sett í skál. 1 msk af ólífuolíu er bætt við tómatablönduna og saltað eftir smekk. Mozzarella osturinn skorinn í þunnar sneiðar. Ein sneið af osti er sett á brauð og tómatamaukið þar ofan á.
Þessi réttur er einnig tilvalinn sem stakur réttur þegar gesti ber að garði.
Aðalréttur
Hunangs- og sojagljáður kjúklingur (fyrir 4)
5 kjúklingabringur
2 msk soja sósa
3 msk hunang (akasíu)
1 msk ólífuolía
100 gr kasjúhnetur
Aðferð:
Blandið sojasósu og hunangi í skál og hrærið vel saman. Skerið kjúklingabringur í bita og setjið út í blönduna, látið standa í 5 mínútur. Hitið olíu á pönnu og steikið kjúklinginn í við meðalhita í 4-5 mínútur. Hækkið hitann og steikið áfram í 3-5 mínútur. Ef það er mikill vökvi á pönnunni, látið hann þá gufa upp á meðan þið steikið. Setjið kasjúhneturnar út á pönnuna og látið karamellast á pönnunni.
Þessi er afar einfaldur og fljótlegt að elda. Með honum er gott að bera fram hýðishrísgrjón ásamt helling af fersku salati.
Eftirréttur
Sænsk Kladdkaka með karamellukremi
100 gr smjör
2 egg
3 dl sykur
1½ dl hveiti
5 msk kakó
2 tsk vanillusykur
salt á hnífsoddi
Aðferð:
Bakaraofn hitaður í 175°C, undir- og yfirhita. Smjörið brætt. Restin af hráefninu sett í skál og brædda smjörinu bætt út, hrært þar til deigið hefur blandast vel saman. Bakað í smurðu lausbotna formi (um 22 – 24 sm) eða sílikonformi við 175°C í 20 mín. Kökunni leyft að kólna í um 10 mín.
Karamellukrem:
2 dl rjómi
1 dl sykur
1 dl sýróp
100 g suðusúkkulaði
100 g smjör
Aðferð:
Öll hráefnin, fyrir utan smjörið, sett í pott. Hrært í blöndunni og suðan látin koma upp. Blandan látin malla þar til hún þykknar, tekur ca. 10 mín., gott að hræra svolítið á meðan. Þá er potturinn tekinn af hellunni og smjörinu bætt út í. Hrært þar til allt hefur blandast vel saman. Gott er að láta kremið standa um stund til þess að það verði aðeins þykkara. Þá er kreminu hellt yfir kökuna og hún látin kólna í ísskáp í um 2-3 tíma. Borin fram með þeyttum rjóma og/eða ís, og jafnvel góðri blöndu af berjum.
Þessi kaka slær alltaf í gegn enda þrusugóð. Tilvalin sem eftirréttur þar sem ein sneið er alveg nóg, svo sæt er hún.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.