Heimagerðir hamborgarar og hollari sjónvarpskaka
Hjónin Arnrún Bára Finnsdóttir og Kristján Ásgeirsson Blöndal lögðu til uppskriftir í matarþátt Feykis í 18. tbl. 2018. Þau búa á Blönduósi þar sem Kristján er fæddur og uppalinn en Arnrún kemur frá Skagaströnd. Kristján er annar stýrimaður á Arnari HU 1 og Arnrún starfar sem hárgreiðslumeistari auk þess að vera í kennaranámi. Jafnframt reka þau litla smábátaútgerð. „Við hjónin leggjum mikið upp úr hreinu mataræði og gerum flest alveg frá grunni. Þessir hamborgarar eru lostæti og slá alltaf í gegn. Þeir eru svo miklu betri en þessir „venjulegu”. Við mælum eindregið með að fólk prófi og sé ekki hrætt við sætkartöflubrauðin. Þau eru mjööög góð, við lofum,“ segja þau Arnrún og Kristján.
AÐALRÉTTUR
Heimagerðir hamborgarar með sætkartöflu-,,brauði”
Fullkomnir á grillið - Slá alltaf í gegn
Hamborgarar:
500 g hreint nautahakk
1 egg
1½ tsk. Worchestershire sósa
½ rifinn piparostur eða annar ostur
1 hvítlauksrif – maukað – má sleppa
1-2 msk. Husk (til að binda hakkið saman)
dass af sítrónupipar
dass af salti
dass af ítalskri hvítlauksblöndu
Sætkartöflubrauð:
Skerið stóra sæta kartöflu í u.þ.b.1 cm þykkar sneiðar. Berið á þær ólífuolíu og kryddið með salti og pipar. Setjið inn í ofn á blástur, 200°C í u.þ.b. 20 mínútur eða þar til þær eru tilbúnar.
Sætkartöflubrauðin eru svo sett ofan á og undir alveg eins og venjuleg hamborgarabrauð nema bara miklu betri og hollari!
Heimagerðar franskar:
Skerið kartöflur í litlar franskar og dreifið þeim jafnt á bökunarplötu. Spreyið yfir með PAM-spreyi. Setjið inn í ofn á blástur, 200°C í u.þ.b. 20 mínútur. Þær eru tilbúnar þegar þær eru orðnar gullnar.
Framreiðsla:
Hamborgararnir eru bestir með osti ofan á, smjörsteiktum sveppum, beikoni og ef til vill einu steiktu eggi. Toppað með sósum eftir smekk en BBQ sósa skemmir ekki fyrir.
EFTIRRÉTTUR
Sjónvarpskaka í aðeins hollari búning
300 g hrásykur/ kókospálmasykur
4 egg
250 g spelt
2 tsk. lyftiduft
2 tsk. vanillusykur
2 dl mjólk
50 g smjör
Aðferð:
Þeytið sykurinn og eggin saman. Setjið þurrefnin saman í skál. Bræðið mjólkina og smjörið í potti. Setjið þurrefnin, mjólkina og smjörið saman við eggin og hrærið þar til deigið er laust við kekki.
Bakið kökuna í 15 mínútur á 180°C.
Kókoskaramella:
125 g smjör
125 g kókospálmasykur
100 g kókosmjöl
4 msk. mjólk
Sett yfir kökuna og bakað í aðrar 15 mínútur eða þar til kakan og kókoskaramellan eru tilbúnar.
Arnrún lætur þennan fróðleiksmola um kókospálmasykur fylgja með en hann er fenginn frá himneskt.is: Kókospálmasykur er bragðgóð sæta sem hefur lægri sykurstuðul en margir aðrir sætugjafar. Hann er óbleiktur og hægt er að nota hann alveg í staðinn fyrir hvítan sykur í allri matargerð, sem og í bakstri og RAW fæði. Hann er mjög bragðgóður með karamellukeim og svipar til púðursykurs.
Fleiri fréttir
-
Baráttusigur Stólastúlkna í Hveragerði
feykir.is Skagafjörður, Íþróttir, Lokað efni 27.11.2024 kl. 09.10Kvennalið Tindastóls í Bónus deildinni tók þátt í enn einum spennuleiknum í gærkvöldi þegar liðið sótti Hamar/Þór heim í Hveragerði. Eftir leik sem lengstum var hnífjafn, liðin skiptust 13 sinnum á um að hafa forystuna og 14 sinnum var allt jafnt, þá voru það gestirnir sem reyndust grimmari á lokakaflanum. Þær voru níu stigum undir þegar fimm mínútur voru til leiksloka en snéru taflinu við og unnu leikinn 103-105.Meira -
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.