Hátíðar sjávarréttasúpa og Daim ísterta
Matgæðingar 37. tölublaðs Feykis árið 2015 voru þau Valdís Rúnarsdóttir og Baldur Magnússon frá Skagaströnd. Þau buðu lesendum upp á uppskriftir af hátíðar sjávarréttarsúpu með heimabökuðu brauði og Daim ístertu.
„Súpan hefur verið afskaplega vinsæl hjá fjölskyldunni okkar og verið borin fram við skírn hjá öllum börnunum okkar fjórum. Daim tertan hefur verið regla á jólunum síðan við komumst á bragðið fyrir nokkrum árum og er alveg afskaplega vinsæl af vinnufélögum mínum líka, er iðulega beðin um að koma með hana þegar ég á að koma með köku í sameiginlega kaffinu okkar.“
Aðalréttur
Hátíðar sjávarréttasúpa
1 krukka Hunt´s spagettí sósa (m. hvítlauk)
1 krukka vatn
½ bolli laukur, saxaður
½ bolli sellerí, sneitt
½ bolli gulrætur, gróf rifnar
½ bolli paprika, söxuð
1 kjúklingateningur
1 peli rjómi
1 msk púðursykur
200 g rjómaostur
250 g rækjur
250 g humar
250 g hörpuskelfiskur
Aðferð:
Ath. má vera ríflegt af grænmeti og hægt er að nota annað sjávarfang en talið er upp hér.
Grunnur: Spagettísósa, vatn, púðursykur og kjúklingateningur sett í pott og soðið. Laukur, sellerí, gulrót og paprika kraumað á pönnu og bætt út í. Rjómaostur bræddur útí (ef súpan er sterk má bæta við meiri rjómaosti). Rjóma og fiski bætt við í lokin og hitað að suðu.
Til að flýta fyrir má gera grunninn annað hvort daginn áður eða fyrr um daginn og hita svo upp og bæta rjóma og fiski við rétt áður en súpan sýður.
Einfalt heimabakað brauð:
1 kg hveiti
1 tsk salt
1 tsk þurrger
950 ml volgt vatn
Aðferð:
Hveiti, salti og geri blandað saman í skál, volgu vatni hrært út í þar til það er orðið að deigi. Filmuplast breitt yfir skálina og geymt í ísskáp a.m.k. yfir nótt (má geyma lengur). Deigið tekið úr ísskáp klukkustund fyrir bakstur. Ofn stilltur á 220°C. Setjið bökunarpappír á tvær plötur og dreifið hveiti vel á þær. Skiptið deiginu í tvennt og mótið brauðhleifa á sitthvora plötuna (ath. að deigið er vel blautt og klístrast mikið, gott að skipta því og hella því svo bara á plötuna og reyna að móta það).
Bakist í eina klst. þar til brauðið er orðið vel gyllt. Gott er líka að strá Maldon salti aðeins yfir deigið áður en það er sett inn í ofn.
Eftirréttur
Daim ísterta
Botn:
3 eggjahvítur
2 dl sykur
Ísinn:
3 eggjarauður
2 dl sykur
4 dl rjómi
4 plötur Daim súkkulaði, smátt skorið
Aðferð:
Botn: Eggjahvítur og sykur þeytt mjög vel saman, sett í form og bakað á 130°C í 60 mín. Botn svo kældur vel.
Ísinn: Eggjarauður og sykur þeytt mjög vel saman. Rjómi þeyttur sér og svo blandað varlega saman við eggjarauðurnar með sleikju. Söxuðu Daim súkkulaði blandað varlega saman við. Ísblöndunni er svo smurt ofan á marengsinn og fryst.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.