Gómsætt fyrir gangnamenn - Ekta íslensk kjötsúpa og rúgbrauð
Þessar uppskriftir birtust í 34. tbl. Feykis árið 2016.
Á haustdögum þegar göngur og réttir eru í aðalhlutverki er fátt betra en sjóðheitar og saðsamar súpur. Þar er íslenska kjötsúpan í öndvegi. Feykir gerði óformlega og óvísindalega rannsókn á því hver væri hin eina sanna íslenska kjötsúpa. Skemmst er frá að segja að hún er vandfundin, enda er það með kjötsúpu eins og góða kjaftasögu að hún breytist í meðförum manna. Því var ákveðið að láta gilda uppskrift sem gerð er opinber á vefsíðunni lambakjöt.is.
Lesendur geta svo leikið sér með uppskriftina. Margir setja haframjöl í kjötsúpu og enn aðrir bygg. Ferskar kryddjurtir eru mjög í tísku í matargerð og passa margar hverjar ágætlega í kjötsúpuna. Þá er hægt að nota gúllas í staðinn fyrir súpukjöt. Loks er hægt að gera kjötsúpu með engu kjöti, sem þá er reyndar orðin grænmetissúpa, og bæta grænkáli og öðrum grænmetistegundum út í. Feykir mælir þó ekki með að þessar tilraunir séu gerðar á gagnamönnum, enda gæti verið viðkvæmt mál að koma örþreyttur úr göngum og komast að því að kjötsúpan sé ekki „ekta.“
Íslensk kjötsúpa
Hráefni:
U.þ.b. 3 l vatn
2½ kg kjöt á beini
400 g rófur
400 g kartöflur
200 g gulrætur
40 g hrísgrjón
1 stk lítill laukur
u.b.þ. 5 cm púrrulaukur
u.þ.b. 5 msk súpujurtir
u.þ.b. 2 msk salt
svartur pipar
Leiðbeiningar:
Setjið vatnið í pottinn, skerið kjötið niður í bita og fituhreinsið ef þið viljið. Setjið kjötið í pottinn og látið suðuna koma upp. Fleytið mest allan sorann ofan af kjötinu og látið suðuna koma upp. Skerið niður grænmetið eins smátt og þið viljið. Setjið svo allt saman í pottinn og sjóðið í u.þ.b. 60 mín frá því kjötið fór í pottinn.
Rúgbrauð
Því er líklega svipað farið með rúgbrauðið og kjötsúpuna að hver notar sínar uppskrift. Gjarnan ganga uppskriftir kynslóð fram af kynslóð í handskrifuðum uppskriftabókum sem eru orðnar svo útataðar í matarklessum að þær eru næstum ólæsilegar. En einmitt þetta eru bestu uppskriftirnar og takmarkið oft að ná að gera afurðina jafn góða og hjá mömmu eða Gunnu frænku. En látum eina uppskrift af rúgbrauði fylgja, sem sniðugt er að baka í steikarpottinum.
6 bollar rúgmjöl (1 kg)
3 bollar heilhveiti
4½ tsk matarsódi
500 g sýróp
1½ l súrmjólk
2 msk hunang
Aðferð:
Deigið er hrært með sleif og bakað í steikarpotti með lokinu á. Ef uppskriftin er tvöfölduð passar hún í stóru svörtu steikarpottana, en annars í þá litlu. Það verður bara að vera ílát með loki eða álpappír þétt yfir. Þetta bakast síðan í 6½ klukkutíma við 100°C.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.