Góður matur fyrir göngugarpa II
Þessi þáttur birtist áður í 30. tbl. Feykis 2016 en Kristín S. Einarsdóttir, umsjónarmaður matarþáttar Feykis, var í miklu göngustuði þetta sumar og hér birtist annar þáttur hennar frá þeim tíma þar sem hún tók saman uppskriftir að góðum mat fyrir göngugarpa.
"Eins og ég gat um í matarþætti á dögunum eyði ég sumarfrísdögunum gjarnan í gönguferðum. Líkt og það er mikilvægt að velja staðgóðan morgunverð í slíkum ferðum er fátt notalegra en að snæða góðan kvöldverð að dagleið lokinni. Meðfylgjandi uppskriftir eru af góðum réttum sem bornir hafa verið á borð í slíkum ferðum, þar sem kokkurinn er ekki síður mikilvægur en leiðsögumaðurinn og gönguskórnir," sagði Kristín.
Pestó pasta (af vefnum Ljúfmeti og lekkerheit)
pasta
gott grænt pestó
rauðlaukur, skorinn fínt niður
rauð paprika, skorin í bita
tómatar (e.t.v. kirsuberjatómata eða plómutómatar)
fetaostur
ferskur parmesan
gott jurtasalt eða venjulegt salt
pipar
Aðferð::
Pastað er soðið samkvæmt leiðbeiningum á pakka. Þegar það er tilbúið er vatninu hellt af og pastað sett aftur í pottinn. Hrærið pestói saman við ásamt fetaostinum (mér þykir gott að stappa hluta af ostinum með smá af olíunni), rauðlauknum, paprikunni og tómötunum. Piprið og saltið og rífið ferskan parmesan ost yfir. Berið fram með hvítlauksbrauði.
Einfalt salat með melónu og hráskinku (af vefnum MS-Gott í matinn)
hráskinka
melóna, gjarnan vel þroskuð kantalópa
Mozzarella kúla
salatblöð að eigin vali
ólífuolía
sítróna
sjávarsalt og nýmalaður pipar
Aðferð:
Hráskinkan er vafin um kantalópusneiðar, gott blaðsalat sett í botninn á fati eða stórum diski. Mozzarella kúlan rifin yfir salatið. Kryddað með sjávarsalti og pipar, dálítilli ólífuolíu hellt yfir ásamt “dassi” af safa úr sítrónu. Að síðustu eru hráskinkuvafðar melónusneiðarnar lagðar yfir.
Hlutföllin í salatinu eru algjört aukaatriði. Þið gerið bara eins mikið og ykkur finnst gott og þurfið fyrir þann fjölda af fólki sem þarf að metta. Sumir vilja líka meira eða minna af einhverju hráefni, það er nú það skemmtilega við svona salöt. Það er ekki hægt að eyðileggja neitt. Þetta ljúffenga salat hentar líka mjög vel sem forréttur.
Besta fiskisúpa í heimi (fyrir fjóra)
1 púrrulaukur
2 stórar gulrætur
1 græn paprika
1 tsk karrý
1 fiskteningur og 1 grænmetisteningur
rúmlega 1 l vatn
3 meðalstórar kartöflur
brokkólí
1 dós rjómaostur með kryddjurtum
1 piparostur
2-4 ýsuflök
rækjur
Aðferð:
Grænmetið skorið smátt og steikt í smjöri. Salt og annað krydd eftir smekk (til dæmis tarragon – ég set þó bara salt og pipar). Kartöflur (hráar) skornar í bita og settar út í súpuna. Látið sjóða í smástund. Góður brúskur af brokkolí settur út í og látið malla í fimm mínútur. Ostarnir látnir bráðna í súpunni, það þarf að gefa piparostinum dálítið góðan tíma. Ýsa skorin í strimla og sett í pottinn. Gott að hafa rækjur líka. Súpan tekin af hellunni og látin standa í 3-5 mínútur.
Verði ykkur að góðu.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.