Geggjaður fiskréttur og einföld skyrterta
Matgæðingar í tbl 16, 2021, voru þau Kristín Ingibjörg Lárusdóttir og Gunnar Kristinn Ólafsson. Þau búa á Blönduósi og eiga saman fimm börn. Gunnar starfar hjá Ísgel ehf. sem er í þeirra eigu ásamt bróður Kristínar og mágkonu. Kristín er menningar-, íþrótta-, og tómstundafulltrúi Blönduósbæjar.
„Við höfum mikinn áhuga á matargerð og erum dugleg að prófa eitthvað nýtt í þeim efnum. Við borðum mikinn fisk sem við annað hvort gerum ofnrétt úr, steikjum, grillum eða sjóðum. Þennan fiskrétt gerði ég fyrst fyrir nokkrum mánuðum síðan og vakti hann mikla lukku meðal allra heimilismeðlima og er því orðinn einn vinsælasti fiskrétturinn á heimilinu,“ segir Kristín.
AÐALRÉTTUR
Geggjaður fiskréttur í chili pestó rjómasósu - Uppskriftin er fyrir 5-6
1200 g þorskur eða ýsa (roð og beinlaus)
200 g hveiti
2 tsk. salt
2 tsk. svartur pipar
1 krukka Scala chili pestó
½ l rjómi
1 krukka fetaostur í kryddolíu
200 g döðlur
Aðferð: Hitið í 190 gráður og blástur. Setjið hveiti, salt og pipar í stóran glæran plastpoka hristið saman. Skerið fiskinn í hæfilega stóra bita, þerrið bitana með eldhúsbréfi, setjið ofan í pokann hristið þar til bitarnir eru þaktir hveiti. Hitið olíu á pönnu, rétt lokið fisknum í u.þ.b. 45 sek. á hverri hlið, leggið í eldfast mót. Í skál blandið þið saman chili pestóinu og rjómanum og hellið yfir fiskinn. Skerið döðlur í hæfilega stóra bita og sáldrið yfir fiskinn. Í lokin dreifið þið fetaostinum yfir ásamt vænum hluta af olíunni. Setjið inn í 190°C heitan ofninn í 25 mínútur.
Gott er að bera hrísgrjón, hvítlauksbrauð og ferskt salat fram með réttinum.
EFTIRRÉTTUR
Einföld og hrikalega góð skyrterta
1 pakki LU kex
120 g íslenskt smjör
1 peli rjómi
1 dós vanilluskyr frá KEA
Kirsuberjasósa
Aðferð: Myljið LU kexið í matvinnusluvél og hellið í kringlótt form. Bræðið smjörið og hellið yfir kexið. Magn smjörsins fer algjörlega eftir smekk en mér finnst gott að hafa kexið vel blautt. Þeytið rjómann og hrærið skyrinu vel saman við. Smyrjið yfir kexblönduna. Hellið kirsuberjasósunni yfir allt. Bætið við bláberjum, jarðarberjum eða öðru sem ykkur þykir gott. Eftirrétturinn er svo kældur vel inn í ísskáp áður en hann er borinn fram.
Verði ykkur að góðu!
Þau skoruðu á Vigdísi Elvu Þorgeirsdóttur og Þröst Árnason á Skagaströnd, en Vigga er þekkt fyrir að töfra fram alls konar góðgæti.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.