Frönsk lauksúpa og Tandoori kryddlegið lambalæri
„Við hjónin búum á Skagaströnd og erum bæði að vinna í Höfðaskóla. Við eigum fjögur börn og tvo hunda. Við ætlum að bjóða upp á forrétt, aðalrétt og eftirrétt,“ sögðu matgæðingarnir Berglind Rós Helgadóttir og Sigurður Heiðar Björgvinsson sem sáu um þriðja þátt ársins 2016. „Yfirleitt sér Sigurður um eldamennskuna og eru fjölskyldumeðlimir oft tilraunadýr þegar hann er að prufa sig áfram með uppskriftir."
FORRÉTTUR Í UPPÁHALDI
Frönsk lauksúpa
4 sneiðar franskbrauð
1½ laukur, hrár
1 msk smjör
2 súputeningur
2 dl vatn
rifinn ostur
1 tsk sítrónupipar
Aðferð:
Hitið ofn í 180-200°C. Látið laukinn krauma í smjörinu þar til hann karmellerast. Bætið heitu vatni, súputeningum og pipar í. Setjið ostinn á brauðið og bakið í ofninum þar til osturinn er bráðinn. Ausið súpunni í skálar og látið eina brauðsneið ofaná hvern skammt.
Það getur einnig verið gott að skella smá skvettu af hvítvíni út í eða drekka það með.
AÐALRÉTTUR
Tandoori kryddlegið lambalæri
4-8 hvítlauksgeirar
1-2 chilipipar, kjarnahreinsaður og skorinn smátt
2½ dl AB mjólk
1 dós sýrður rjómi 10%
3-4 msk Tandoori kryddblanda
Aðferð:
Hakkið hvítlauk og chilipipar í matvinnsluvél. Blandið öllu saman við. Látið fitusnyrt lambalæri í djúpt form. Hellið kryddleginum yfir og látið marinerast í minnst 24. klst. Steikið við 140°C í u.þ.b. 1½ tíma. Hækkið hitann í 200°C síðustu 10-15 mínúturnar til að fá brúnaða húð.
Sósa:
1 msk grænmetisolía
1 laukur, fínt hakkaður
4 hvítlauksgeirar, fínt skornir
1 sm fersk engiferrót, fínt hökkuð
1 græn paprika, skorin í bita
1-2 chilipipar,kjarnahreinsaður og fínt skorinn
1 tsk cumminduft
1 tsk korianderduft
1 msk Tandoori kryddblanda
1 dós kókósmjólk
½ lítri soðkraftur (Oscar)
Aðferð:
Léttsteikið grænmetið og bætið kryddi út í og steikið aðeins áfram. Bætið kókósmjólk við og að síðustu kjötsoðinu. Látið sjóða og þykkið með sósujafnara ef þarf. Berið fram með góðu salati, hrísgrjónum og nan-brauði.
EFTIRRÉTTUR
Pipp-kaka
Eftirrétturinn sem við bjóðum upp á er Pipp-kaka. Hún er í miklu uppáhaldi hjá öllum fjölskyldumeðlimum en sitt sýnist þó hverjum hvaða Pipp súkkulaði er best að nota í kremið, myntu, banana eða karamellu. Kakan er ferlega góð aðeins volg með kreminu ennþá lekandi, ásamt ís en hún er heldur ekkert síðri beint úr ísskápnum.
250 g suðusúkkulaði
150 g smjör
1 dl sykur
4 egg
2 tsk vanillusykur
½ tsk lyftiduft
½ dl hveiti (Maisena mjöl fyrir glútenfría köku)
Aðferð:
Ofn hitaður í 175°C undir og yfir. Smyrjið smelluform (24cm). Suðusúkkulaðið er brætt í potti, ásamt smjöri, við vægan hita og hrært í. Blandan er látin kólna aðeins áður en sykri og eggjum er bætt út í og hrært vel á milli. Hveiti vanillusykri og lyftidufti er blandað við. Deiginu er síðan hellt í bökunarform og bakað í 40-50 mín. Fylgist vel með kökunni en hún á að vera blaut í miðjunni.
Krem:
25 g smjör
½ dl rjómi
200 g Pipp (banana, karmellu eða myntu)
Aðferð:
Allt brætt saman í potti á vægum hita og hellt yfir kökuna. Gott að skella í ísskáp til að það stífni aðeins áður en það er borið fram.
Takk fyrir okkur og verði ykkur að góðu!
Fleiri fréttir
-
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira -
Morgunblaðið ekki dreift í fyrramálið á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 23.12.2024 kl. 21.44Það hefur ekki farið framhjá neinum að á Norðurlandi vestra hefur verið slæmt veður í dag og í kvöld. Samkvæmt veðurspánni þá á þetta að ganga niður í nótt en tekur sig svo upp aftur annað kvöld og á að standa yfir til kl. 17 á jóladag. Mbl sagði frá því fyrr í kvöld að Holtavörðuheiði væri lokuð sökum þess að tvær rútur væru þar í vandræðum og að hugsanlega væru einhverjir fólksbílar líka í vandræðum. Björgunarsveitir úr Húnavatnssýslunum og uppsveitum Borgarfjarðar voru kallaðar út til að aðstoða fólk og vill lögreglan á Norðurlandi vestra brýna fyrir ökumönnum að leggja ekki af stað án þess að kanna fyrst aðstæðu á vef Vegagerðarinnar.Meira -
Karlakórar í eðli sínu íhaldssöm fyrirbæri
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.12.2024 kl. 13.00Karlakórinn Heimir heldur sína árlegu áramótatónleika í Miðgarði laugardagskvöldið 28. desember næstkomandi. Feykir heyrði í Atla Gunnari Arnórssyni formanni kórsins til þess að forvitnast um það hvernig undirbúningur gengi og hvað yrði á boðstólunum á tónleikunum að þessu sinni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.