Fimm laga lostæti og girnileg ávaxtakaka í eftirrétt
Guðríður M. Stefánsdóttir eða Stella Stefáns, var matgæðingur vikunnar í 29. tbl Feykis 2016. Stella kemur frá Glæsibæ í Staðahreppi en býr ásamt eigimanni sínum, Jóni Björgvini Sigvaldasyni, á Sauðárkróki. Býður hún lesendum upp á gómsætan fiskrétt, gróft snittubrauð með sjávarsalti sem meðlæti og girnilega ávaxtaköku sem eftirrétt.
Fimm laga lostæti fyrir 4
1½ dl hrísgrjón
400 g beinlaus fiskur, þorskur, ýsa, karfi eða smálúða
100 g blaðlaukur, hrár
100 g gulrætur, soðnar
200 g rækjur
½ tsk salt
pipar eftir smekk
2 egg
150 g majónsósa
150 g brauðostur, rifinn
Aðferð:
Sjóðið hrísgrjónin í söltuðu vatni og setjið þau í botninn á eldföstu móti, smurðu að innan með smjöri. Setjið blaðlaukinn og gulræturnar í sneiðum ofan á. Raðið nú fiskinum og rækjunum ofan á. Kryddið með salti og pipar á milli laga.
Þeytið saman eggjarauðu og majónsósu, blandið ostinum saman við og að lokum stífþeyttum eggjahvítunum. Hellið þessu yfir réttinn og setjið hann í ofninn í 20 mínútur við 180°C.
Berið fram með grófu brauði og smjöri.
Gróft snittubrauð með sjávarsalti
50 g ger
½ l volgt vatn
2 msk matarolía
1 msk salt
2 msk hunang
300 g gróft rúgmjöl
5-600 g hveiti
Aðferð:
Leysið gerið upp í litlum hluta af vatninu (það á að vera 37°C heitt). Bætið síðan afganginum af vatninu saman við ásamt olíu, salti, hunangi og rúgmjöli.
- Bætið mestöllu hveitinu saman við og hnoðið. Látið hefast á volgum stað í 30-45 mínútur. Hnoðið deigið aftur og bætið meira hveiti saman við ef þarf.
- Skiptið deiginu í þrennt og mótið mjó snittubrauð í lengd bökunarplötunnar. Ristið skurði á ská í brauðið og látið hefast á plötunni í 30 mínútur.
- Penslið brauðin með volgu vatni og 2 dropum af olíu. Stráið grófu salti yfir, 1 tsk á hvert brauð.
- Bakið í 220°C heitum ofni í 12 mínútur. Slökkvið síðan á ofninum en látið brauðin vera áfram inni í 10 mínútur. Látið kólna á bökunarrist.
Ávaxtakaka í sumarskapi
125 g smjör
200 g sykur
2 egg
125 g hveiti
½ tsk lyftiduft
1 tsk vanilludropar
2 epli, græn
1 tsk kanill
3 msk sykur
1 lítil dós apríkósur
100 g jarðarber, fersk
rjómi
Aðferð:
Blandið hálfbræddu smjöri, eggjum, sykri, hveiti og lyftidufti saman í skál ásamt vanilludropum og hrærið í 2 mínútur. Klæðið skúffu, 30x40 sm, að innan með bökunarpappír og smyrjið deiginu jafnt yfir skúffuna (hægt er að búa til bréfskúffu á plötu eða nota eldfast mót). Flysjið epli, skerið í þykka báta og veltið upp úr blöndu af kanil og sykri. Skerið jarðarber í sundur og dreifið ávöxtunum yfir deigið. Bakið við 180-200°C í 15-20 mínútur.
Berið kökuna fram volga með léttþeyttum rjóma.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.