Einfaldar og þægilegar uppskriftir
Þau Inga Skagfjörð Helgadóttir og Jón Gunnar Helgason voru matgæðingar vikunnar í tbl 36 en þau búa á Sauðárkróki. Inga er fædd og uppalinn á Króknum og vinnur sem sjúkraliði á dvalarheimili HSN en Jón Gunnar er heimavinnandi húsfaðir og smiður. Þau eiga fjögur börn og þrjá unglinga og þá er gott að matreiða einfalda og þægilega rétti sem öllum á heimilinu þykja góðir.
FORRÉTTUR
Ostabrauðstangir
1 pizzadeig, (heimatilbúið eða keypt sem passar i skúffu)
200 g rifinn ostur
200 g rjómaostur með graslauk og lauk
4 msk. olía
3-4 hvítlauksgeirar
1/2 tsk. salt
1 tsk. oregano
Aðferð:
Ofninn hitaður í 200°C með blæstri. Pizzadeigið sett á ofnplötu. Salt, oregano, olía og pressaður hvítlaukur sett í skál. Rjómaostinum smurt á helminginn af deiginu og rifnum osti dreift yfir. Brjótið deigið svo saman og skerið í lengjur og snúið upp á þær. Raðað í ofnskúffu. Brauðstangirnar penslaðar með hvítlauksolíunni og bakaðar í ofni í 8-10 mínútur.
AÐALRÉTTUR
Ofnbakaður fiskur með papriku og chilli
900 g þorskur
1 stk. rauð paprika
3 stk. hvítlauksgeirar
200 g rjómaostur með grillaðri papriku og chilli
500 ml rjómi.
Rifinn ostur
Salt og pipar
Ólifuolia
Aðferð:
Hitið ofninn i 180°C. Fisknum raðað i eldfast mót. Skerið papriku, rífið niður hvítlaukinn og steikið upp úr olíu þar til mýkist og bætið þá við rjóma og rjómaostinum. Hrærið þar til rjómaosturinn er bráðnaður. Sósunni hellt yfir fiskinn og rifinn ostur settur yfir. Setjið inn í ofn í um 30 mínútur.
Borið fram með hrísgrjónum, brauðstöngunum og salati.
EFTIRRÉTTUR
Oreo ostakaka með vanillubúðingi
1 Royal vanillubúðingur
240 ml mjólk
1 tsk. vanilludropar
300 ml rjómi
1 dós sýrður rjómi
125 g flórsykur
2 pakkar Oreo kex
Aðferð:
Hellið vanillubúðingnum, mjólk og vanilludropum í skál og hrærið vel og setjið inn í ísskáp í 5-10 min.
Flórsykri og sýrðum rjóma hrært saman í annarri skál. Rjóminn þeyttur og öllu blandað saman.
Myljið Oreo kexið og setjið helminginn í botninn á mótinu og hellið búðingnum yfir, stráið síðan restinni af kexinu yfir allt. Gott að láta standa í kæli í smá tíma áður en kakan er borin fram.
Þau skoruðu á Rögnu Fanney og Viktor Guðmunds að koma með gómsætar uppskriftir og voru þau matgæðingarnir í tbl 38.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.