Bakaður fetaostur og nautasteik með eins litlu grænmeti og mögulegt er
Kúabændurnir Brynjar og Guðrún Helga í Miðhúsum í Blönduhlíð deildu uppskriftum með lesendum Feykis í 19. tbl. ársins 2017 og að sjálfsögðu varð nautasteik fyrir valinu. Þau hófu búskap á heimaslóðum Guðrúnar í Miðhúsum þremur árum áður og bjuggu þá með 40 kýr og eitthvað af hundum, köttum, hestum og kindum. Að eigin sögn er Brynjar „bara sveitadurgur“ en Guðrún kenndi við Grunnskólann austan Vatna á Hofsósi auk þess að troða upp sem söngkona við hin ýmsu tækifæri. Börn þeirra hjóna eru fjögur.
FORRÉTTUR
Bakaður fetaostur með heimabökuðu snittubrauði
feta ostur, stykki
ólívuolía
rauður chilipipar
rauð paprika
Aðferð:
Feta stykkið er skorið í sentimeters þykkar sneiðar og þær lagðar í ofnmót. Osturinn er kryddaður með ólífuolíunni og chilipiparnum. Stundum höfum við haft chiliplöntu í stofuglugganum og tekið piparinn af og þurrkað í álbakka í sama glugga, mulið svo út í olíuna t.d. í morteli. Svo er falleg sneið af papriku lögð yfir og allt saman sett í ofn á 200°C þangað til osturinn lítur út fyrir að vera tilbúinn (nokkrar mínútur). Með þessu er gott að hafa heimabakað snittubrauð sem einnig nýtist vel sem verkfæri til að moka þessu í sig, sé um einstaklingsmót að ræða.
Snittubrauð
1,3 kg hveiti
1 tsk salt
50 g ger
5 dl volgt vatn
50 g smjör
Aðferð:
Hnoðið saman og látið hefast í 30 mínútur. Mótið í tvær lengjur og látið hefast aftur í 10 mínútur. Bakið við 225°C í miðjum ofni í 20 til 30 mínútur (eftir ofnum).
AÐALRÉTTUR
Nautasteik með bakaðri kartöflu, rjómapönnusósu og eins litlu grænmeti og mögulegt er
Kartöflurnar eru bakaðar fyrst því þær haldast heitar á meðan restin er afgreidd. Ekki fleiri orð um þær.
Um er að ræða 3 - 4 cm þykka framhryggjarsteik. Við meðhöndlum okkar nautakjöt þannig að þegar það kemur úr úrbeiningu er það látið hvíla/hanga í kæliskáp í þriggja til fjögurra gráðu hita í 16 daga. Að því loknu er það fryst. Með þessu móti er kjötið tilbúið og má taka úr frosti þegar á að elda það, þíða með nánast hvaða hætti sem er - bara að það sé við stofuhita þegar steikt er.
Kjötið er kryddað með salti og pipar og brúnað vel á heitri pönnu í blöndu af smjöri og olíu. Síðan fer steikin í 160 gráðu heitan ofninn í fimm til níu mínútur (fer eftir ofni og hvernig steikingu þú vilt).
Meðan kjötið er í ofninum er gott að gera sósu. Setjið smávegis rauðvínsedik á heita pönnuna sem kjötið kom af til að ná upp því bragði og krafti sem þar er. Lækkið svo hitann og hellið rjóma í samræmi við óskað sósumagn út í. Setjið svo nautakraft eftir smekk og sjóðið rólega niður í óskaða þykkt.
Þegar kjötið kemur úr ofninum er lykilatriði að það standi og hvíli á bekknum, undir álpappír í 8 til 10 mínútur. Snertist ekki fyrr.
Með þessu er sjálfsagt fínt að grilla aspas eða smjörsteikja grænmeti.
EFTIRRÉTTUR
Hunangsleginn og grillaður ananas með ís
ferskur ananas
gott hunang að eigin vali
Emmess ís (síður valkvætt)
Aðferð:
Ananasinn þrifinn og skorinn í tommu þykkar sneiðar með hýðinu. Kjarninn tekinn úr. Sneiðarnar baðaðar í hunangi og látnar standa og safna í sig í klukkutíma á bekknum. Þar næst eru sneiðarnar grillaðar úti í garði þangað til ananasinn fer að mýkjast en þá er sneið sett á disk og góð ískúla í hana miðja.
Það þarf enga sósu með þessu.
Verði ykkur að góðu
Brynjar & Gunna
Miðhúsum
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.