Söngur og gleði í Miðgarði
Það er óhætt að fullyrða að menn hafi tekið á honum stóra sinum á sviðinu í Miðgarði í gærkvöldi. Þar voru samankomnir norðlensku tenórararnir Kristján Jóhannsson, Óskar Pétursson og Árni Geir Sigurbjörnsson og sungu þeir og skemmtu, ásamt Jónasi Þóri undirleikara, fyrir fullu húsi.
Það var Áskell Heiðar Ásgeirsson hjá Viðburðaríkt sem stóð fyrir tónleikunum en falleg sviðsmyndin í Miiðgarði var hönnuð af alkunnri smekkvísi listamannsins Guðbrandar Ægis Ásbjörnssonar hjá Sviðsljósum og eins og geta má sá hann að sjálfsögðu líka um lýsingu.
Söngvararnir stóðu sig með prýði og var efnisskráin fjölbreytt. Ýmist sungu þeir einsöng eða dúetta en í lokin sungu þeir allir saman. Oftar en ekki voru þetta lög eða aríur sem salurinn þekkti vel til. Króksarinn Árni Geir fékk frábærar viðtökur hjá áheyrendum fyrir söng sinn og Óskar Pétursson frá Álftagerði var samur við sig, en auk fallegs flutnings á lögum eins og Caruso og Bikarinn, þá hitti hann ekki síður í mark á milli laga með nokkrum vel völdum orðum. Undirleik fyrir tenórana þrjá annaðist Jónas Þórir af snilld og átti, líkt og Óskar, nokkra góða spretti milli laga.
Stórstjarna kvöldsins var þó að öðrum ólöstuðum Akureyringurinn Kristján Jóhannsson sem var í miklu stuði í Miðgarði. Hann renndi sér í gegnum nokkur þrekvirkin af fítonskrafti og tilfinningu og sló hvergi af. Síðasta lag fyrir hlé var Hamraborgin og ekki er ólíklegt að einhverjar sprungur hafi myndast í veggjum Miðgarðs – enda er rödd Kristjáns náttúruafl, styrkurinn með ólíkindum.
Í síðustu tveimur lögum fyrir uppklapp sungu Óskar og Árni Geir dúett í Ég er kominn heim og punktinn fyrir ofan i-ið setti síðan Kristján þegar hann söng Nessum Dorma og ætlaði þá þakið nánast af húsinu. Þeir hófu síðan allir saman söng í uppklappinu með Volare og enduðu Kristján og Óskar síðan tónleikana með flutningi á Sigling inn Eyjafjörð til heiðurs sérstkökum boðsgestum Óskars, hinum síungu eyfirsku tenórum, þeim Ingva og Hreiðari. Þeir góðvinir geystust síðan upp á svið og þökkuðu tenórunum fyrir frábæra kvöldskemmtun.
Nokkra athygli vakti frekar óhefðbundið tenóradress Kristjáns; flottur jakki, stífpússaðir skór og þvældar gallabuxur. Óskar var að sjálfsögðu með a.m.k. þrjár mismunandi skýringar á þessu. Í fyrsta lagi hafði ungstirnið Árni Geir fengið ráða klæðnaði þeirra félaga og fór fram á að menn mættu töffaralegir. Í öðru lagi þá hafði kona Kristjáns ekki verið heima og stórtenórinn ekki kunnað á þvottavélina. Í þriðja lagi þá höfðu buxurnar hreinlega gleymst heima.
Nei, leiðindin voru ekki með í Miðgarði í gærkvöldi – svo mikið er víst!
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.