Snjólaug er Skyttan 2015
Laugardaginn 12. september var Kvennamótið Skyttan haldið á Blönduósi í blíðskapar veðri og frábærum félagsskap. Átta konur frá Akureyri, Hafnarfirði, Reykjavík og Blönduósi mættu til leiks og háðu keppni um Nýliðann 2015 og Skyttuna 2015.
Fimm konur voru skráðar í nýliðaflokkinn og var keppnin spennandi allt til loka umferðar en það fór svo að Bjarnþóra María Pálsdóttir frá Skotfélaginu Markviss hafði sigur úr býtum.
En úrslitin urðu eftirfarandi:
- Bjarnþóra María Pálsdóttir MAV
- Ingibörg Andrea Bergþórsdóttir Skotreyn
- Guðlaug Sigurðardóttir SÍH
- Ragnheiður Kr Guðmundsdóttir SA
- Rósa Björg Ólafsdóttir SA
Einnig mæta konur sem að hafa keppt á mótum á vegum Skotíþróttasambandsins og keppa um titilinn Skyttan 2015, en einungis þrjár konur mættu til leiks í ár og fór svo eftir harða baráttu að Snjólaug M. Jónsdóttir einnig úr Skotfélaginu Markviss hafði sigur á síðasta pallinum í síðustu umferðinni en einungis 2 stig skildu að efstu tvö sætin. Og urðu úrslitin eftirfarandi:
- Snjólaug M Jónsdóttir MAV
- Helga Jóhannsdóttir SÍH
- Guðbjörg Konráðsdóttir SÍH
Verðlaun voru veitt fyrir þrjú efstu sætin í hvorum flokk fyrir sig og fengu sigurvegarar farandbikar til varðveislu í eitt ár ásamt eignabikar. En það fór enginn tómhentur heim og var glaðningur fyrir alla í formi gjafabréfa og gjafakarfa frá ýmsum fyrirtækum í heimabyggð og á höfuðborgarsvæðinu. En við gátum heldur ekki verið þekkt fyrir það að einhver færi svangur heim og var slegið upp heljarinnar villibráðaveislu að dagskrá lokinni. Mótið verður haldið að ári aftur og mun það þá verða sunnan heiða en endanleg staðsetning á eftir að koma í ljós.
/fréttatilkynning
Fleiri fréttir
-
Viggó Jónsson hlaut Starfsbikar UMFT
feykir.is Skagafjörður, Íþróttir, Mannlíf, Lokað efni 08.04.2025 kl. 11.03Aðalfundur Aðalstjórnar Ungmennafélagsins Tindastóls fór fram mánudaginn 31. mars í Húsi Frítímans á Sauðárkróki. Þar fór fram hefðbundin dagskrá aðalfundar samkvæmt lögum félagsins. Á fundinum var veitt sérstök viðurkenning og Starfsbikarinn fyrir óeigingjarnt og öflugt sjálfboðaliðastarf. Féll sá heiður í hlut Viggós Jónssonar.Meira -
Kiwanismenn í nýju húsnæði
feykir.is Skagafjörður, Lokað efni 08.04.2025 kl. 09.40Nýtt húsnæði undir starfsemi Kiwanisklúbbsins Drangey í Skagafirði var tekið í notkun á dögunum en þeir félagar festu kaup á neðri hæð að Aðalgötu 14, þar sem Blómabúðin var. Félagið hefur verið húsnæðislaust í talsverðan tíma og er því stórum áfanga náð með þessum kaupum. Félagarnir í klúbbnum eru núna 22 og hafa þeir unnið hörðum höndum sl. vikur við að standsetja og gera fínt innandyra ásamt því að merkja húsið að utan. Allt þetta náðist fyrir 800 fundinn sem haldinn var þann 26. mars sl. en félagið var stofnað árið 1978.Meira -
Ríkisstjórnin samþykkir stuðning til bænda vegna kuldatíðar síðasta sumar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 09.12Ríkisstjórnin hefur samþykkt tillögu Hönnu Katrínar Friðriksson atvinnuvegaráðherra um að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Í frétt á Húnahorninu segir að síðasta sumar hafi verið óvenju kalt eða það kaldasta á landsvísu síðan árið 1998 samkvæmt Veðurstofunni.Meira -
Stólastúlkur mæta Keflavík í Keflavík í kvöld
feykir.is Skagafjörður, Íþróttir, Lokað efni 08.04.2025 kl. 08.45Það er hamagangur í öskjunni í körfuboltanum þessar vikurnar. Kvennalið Tindastóls mætir liði Keflavíkur suður með sjó í kvöld í þriðja leik liðanna í átta liða úrslitum Bónus deildar kvenna. Íslandsmeistarar Keflavíkur hafa verið ógnarsterkir í fyrstu tveimur leikjum liðanna og ljóst að Stólastúlkur þurfa að eiga toppleik í 40 mínútur ætli þær sér sigur í kvöld.Meira -
Hinrik Már í sumarafleysingarnar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 07.21Feykir auglýsti eftir afleysingamanni til starfa í sumar og sýndu nokkrir aðilar starfinu áhuga. Það fór svo að Hinrik Már Jónsson, ábúandi á Syðstu-Grund í Blönduhlíð, var ráðinn og hefur væntanlega störf um mánaðamótin maí/júní.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.