Seinni sýning „Það er að koma skip“ í Miðgarði í kvöld - myndir
Önnur sýningin af tveimur af söngleiknum, Það er að koma skip, sem leikhópurinn Frjósamar freyjur og frískir menn frumsýndi fyrir fullu húsi í Höfðaborg á Hofsósi sl. sunnudag, fer fram í Menningarhúsinu Miðgarði kl. 20:30 í kvöld. Höfundur söngleiksins er Anna Þóra Jónsdóttir frá Vatnsleysu en lög við texta hennar semur enginn annar en Geirmundur Valtýsson.
„Þetta gamaldags söngleikur með léttu ívafi til að minna á söguna í kringum okkur. Hann gerist árið 1780 þegar skip kemur óvænt í Kolkuóshöfn og inn í þetta fléttast hin ýmsu ævintýr sem að í dag við sjáum við bara í sjónvarpi,“ sagði Anna Þóra um söguþráðinn í samtali við Feyki en sagan gerist einnig í sveitinni í kringum Kolkuós, Viðvíkursveitinni.
Æfingar hófust í lok mars og segir Anna Þóra Guðbrand Ægi Ásbjörnsson hafa verið þeim innan handar og leiðbeint þeim í nokkur skipti, að öðru leyti hefur Anna Þóra annast leikstjórn.
„Að þessu leikverki stendur skemmtilegt fólk hérna úr sveitinni, Viðvíkur- og Hólahreppi, Óslandshlíð og Blönduhlíð og þrír vestan Vatna - alls 27 leikendur,“ segir hún.
Miðasala fer fram við inngang. Aðgangseyrir er 2000 kr. og vakin er athygli á því að ekki er tekið við greiðslukortum.
Blaðamaður Feykis leit inn á æfingu skömmu fyrir frumsýning. Þar var svo sannarlega glatt var á hjalla og skemmtu allir sér vel við að setja þennan þrælskemmtilega söngleik á svið.
Fleiri fréttir
-
Viggó Jónsson hlaut Starfsbikar UMFT
feykir.is Skagafjörður, Íþróttir, Mannlíf, Lokað efni 08.04.2025 kl. 11.03Aðalfundur Aðalstjórnar Ungmennafélagsins Tindastóls fór fram mánudaginn 31. mars í Húsi Frítímans á Sauðárkróki. Þar fór fram hefðbundin dagskrá aðalfundar samkvæmt lögum félagsins. Á fundinum var veitt sérstök viðurkenning og Starfsbikarinn fyrir óeigingjarnt og öflugt sjálfboðaliðastarf. Féll sá heiður í hlut Viggós Jónssonar.Meira -
Kiwanismenn í nýju húsnæði
feykir.is Skagafjörður, Lokað efni 08.04.2025 kl. 09.40Nýtt húsnæði undir starfsemi Kiwanisklúbbsins Drangey í Skagafirði var tekið í notkun á dögunum en þeir félagar festu kaup á neðri hæð að Aðalgötu 14, þar sem Blómabúðin var. Félagið hefur verið húsnæðislaust í talsverðan tíma og er því stórum áfanga náð með þessum kaupum. Félagarnir í klúbbnum eru núna 22 og hafa þeir unnið hörðum höndum sl. vikur við að standsetja og gera fínt innandyra ásamt því að merkja húsið að utan. Allt þetta náðist fyrir 800 fundinn sem haldinn var þann 26. mars sl. en félagið var stofnað árið 1978.Meira -
Ríkisstjórnin samþykkir stuðning til bænda vegna kuldatíðar síðasta sumar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 09.12Ríkisstjórnin hefur samþykkt tillögu Hönnu Katrínar Friðriksson atvinnuvegaráðherra um að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Í frétt á Húnahorninu segir að síðasta sumar hafi verið óvenju kalt eða það kaldasta á landsvísu síðan árið 1998 samkvæmt Veðurstofunni.Meira -
Stólastúlkur mæta Keflavík í Keflavík í kvöld
feykir.is Skagafjörður, Íþróttir, Lokað efni 08.04.2025 kl. 08.45Það er hamagangur í öskjunni í körfuboltanum þessar vikurnar. Kvennalið Tindastóls mætir liði Keflavíkur suður með sjó í kvöld í þriðja leik liðanna í átta liða úrslitum Bónus deildar kvenna. Íslandsmeistarar Keflavíkur hafa verið ógnarsterkir í fyrstu tveimur leikjum liðanna og ljóst að Stólastúlkur þurfa að eiga toppleik í 40 mínútur ætli þær sér sigur í kvöld.Meira -
Hinrik Már í sumarafleysingarnar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 07.21Feykir auglýsti eftir afleysingamanni til starfa í sumar og sýndu nokkrir aðilar starfinu áhuga. Það fór svo að Hinrik Már Jónsson, ábúandi á Syðstu-Grund í Blönduhlíð, var ráðinn og hefur væntanlega störf um mánaðamótin maí/júní.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.