Sauðburðarvakt RÚV í Syðri-Hofdölum mælist vel fyrir-Myndir
Það hefur vart farið fram hjá landsmönnum að sauðburður stendur nú sem hæst í Syðri-Hofdölum í Skagafirði. Síðan um hádegi í gær hefur áhorfendum RÚV gefist kostur á að fylgjast með „burði í beinni, en útsendingunni er stýrt af Gísla Einarssyni frétta- og dagskrárgerðarmanni. Blaðamaður Feykis brá sér í Hofdali í gærkvöldi til að fylgjast með þessari viðamiklu útsendingu á bak við tjöldin.
Að sögn Gísla sækir þetta uppátæki innblástur til svokallaðs „slow tv“ hjá norska sjónvarpinu, sem hann kýs að kalla hægvarp upp á íslensku. Hugmyndin að því að taka sauðburð fyrir er hins vegar orðin til hjá Gísla og kollegum hans.
Mikið er umleikis fyrir útsendingu af þessu tagi, sem Gísli telur að sé sú lengsta samfellda í sögu RÚV en hún stendur í sólarhring og lýkur um hádegi í dag. Var tökuliðið komið í Syðri-Hofdali um miðjan dag á miðvikudaginn. Í útsendingarbílnum, sem flytur meðal annars með sér nokkurra metra hátt mastur, geta stjórnendur útsendingar fylgst með fjórum mismunandi fjórum mismunandi myndavélum og skipta á milli að vild.
Fjöldi lamba hefur komið í heiminn í beinni það sem af er útsendingunni. Bíldótti hrúturinn Beinn lét fyrstur sjá sig, örskömmu eftir að útsending hófst. Lögmál náttúrunnar kærir sig kolllótt um beinar útsendingar og því hefur mátt sjá erfiðan burð, lamb drepast í fæðingu og ýmislegt sem aflaga getur farið en góðu heilli hefur burðurinn að mestu gengið vel fyrir sig.
Ýmsum viðtölum við bændur og búalið er skotið inn í útsendinguna, sem þó gengur að miklu leyti út á að sýna sjónarhorn „flugu á vegg.“ Gísli segir Syðri-Hofdali hafa orðið fyrir valinu þar sem þar er stórt bú og góð aðstaða og ekki síst bændur sem voru til í að aðstoða við þetta tímamóta uppátæki. Gísli kvaðst afar ánægður með móttökur þeirra og ekki síður frábær viðbrögð áhorfenda en samskiptamiðlar eins og twitter og facebook voru að miklu leyti undirlagðir #beinfraburdi í gær og þar tjáðu sig margir þakklátir sjónvarpsáhorendur.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.