Öruggur sigur hjá stelpunum
Víkingur Ólafsvík kom í heimsókn á Tinstastólsvöll í dag, sunnudaginn 21. júlí og þrátt fyrir að það væri yfir 20 stiga hiti og sól, þá sáu gestirnir aldrei til sólar í leiknum.
Strax á fyrstu mínútum leiksins sýndu Tindastólsstúlkur að þær hafa tekið miklum framförum og voru betri aðilinn í leikum. Á 7. mínútu vann Carolyn boltann á miðjum vellinum og átti stórglæsilegt skot rétt fyrr utan teig sem steinlá í markinu. 4 mínútum síðar fékk Tindastóll hornspyrnu frá vinstri og eftir klafs í teignum fer boltinn í stöng og út til hægri þar sem Rakel Hinriks vann boltann og átti góða sendingu fyrir á Guðnýju sem lagði boltann af öryggi í netið. Eftir þetta slökuðu Tindastólsstúlkur aðeins á og Víkingar náðu að færa lið sitt ofar á völlinn og uppskáru mark á 25. mínútu eftir stungusendingu sem framherji Víkinga, Halldóra Dögg renndi boltanum af öryggi framhjá Kristínu og minnkuðu muninn í 2-1. Tindastólsstúlkur létu þetta ekki slá sig út af laginu og tóku leikinn yfir aftur. Á 45. mínútu fær Tindastóll innkast, boltinn berst til Carolyn sem leikur í átt að teignum og renndi boltanum glæsilega framhjá markmanni Víkings og í netið og fóru Tindastólsstúlkur með 3-1 forskot í leikhléið.
Þegar blásið var til síðari hálfleiks hafði lægt mikið, Tindastólsstúkur byrðjuðu seinni hálfleikinn af krafti og strax á 48. mínútu komst Leslie upp að endalínu og sendi boltann fyrir og kom Bryndís Rún á ferðinn og afgreiddi boltann af öryggi í netið með sinni fyrstu snertingu í leiknum en hún hafði komið inná í hálfleik. Tveimur mínútum síðar átt Leslie frábært langskot sem lá í netinu og staðan eftir 5 mínútur orðin 5-1. Bryndís Rún var mjög spræk eftir að hún kom inná og á 75. mínútu slapp hún í gegn lék á markmanninn en kappið var of mikið og hún þrumaði boltanum í þverslá og yfir fyrir framan opið markið, en hún bættir fyrir þetta á 80. mínútu þegar hún komst upp hægri kantinn og átti góða fyrirgjöf á Leslie sem skaut beint í markmanninn. Síðan á 85. mínútu átti Ólína frábæra sendingu á Bryndísi sem átti góðann kross á Leslie sem gerði engin misstök í þetta sinn og skoraði af öryggi. Síðasta markið kom svo á 90. mínútu þegar Bryndís vann aukaspyrnu á hægri kanti, Leslie tók spyrnuna og Snæbjört fylgdi vel á eftir og náði að pota boltanum í netið eftir mikið klafs í teignum og lauk leiknum með 7-1 sigri Tindastóls. Næsti leikur Tindastóls verður í Reykjavík mánudaginn 29. júlí, en þá mæta stelpurnar Fram.
/AVH
.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.