Ófá handtökin við endurnýjað og glæsilegt húsnæði
Á fimmtudag í síðustu viku fór fram formleg opnun Iðju við Sæmundarhlíð. Fjölmargir komu til að skoða nýuppgert húsnæðið, sem áður hýsti Leikskólann Furukot, og samglöddust með starfsfólki og skjólstæðingum Iðju.
Í máli Stefáns Vagns Stefánssonar, formanns byggðarráðs Svf. Skagafjarðar, kom fram að þau voru ófá handtökin við að gera húsið fínt en það hafði staðið autt frá árinu 2010. Framkvæmdir hófust í júní á síðasta ári og var endanlegur kostnaður við endurbætur áætlaður um 50 milljónir króna. Hann sagði að ekkert hefði verið til sparað varðandi aðgengi og hefur hönnun og framkvæmd verið unnin í nánu samráði við notendur húsnæðisins.
Húsið hefur verið algjörlega endurnýjað; ný aðkoma og hluti af lóð lagfærð, rafmagnslagnir, hita- og neysluvatnslagnir endurnýjaðar, miðrými opnað, hiti í gólfum að stórum hluta og snjóbræðsla í stétt, ný gólfefni og nýjar loftaklæðningar. Stefán hafði fengið spurnir af því að fjarlægja þurfti ótal hefti úr eldri loftklæðningu og var það ærið verk. Hann spurði Eirík Pétursson hjá Eignarsjóði Svf Skagafjarðar, sem hafði umsjón með verkinu, hve mörg þau hafi verið. Eiríkur svaraði að þau hefðu verið hvorki fleiri né færri en 15 þúsund talsins.
Auk Eiríks höfðu Ágúst Eiðsson, Guðmundur Þór Guðmundsson og Ingvar Gýgjar Sigurðarson umsjón með verkinu. Helstu undirverktakar voru; Þórður Hansen ehf og K-Tak ehf við framkvæmdir á lóð; Hörður Ólafsson pípulagnameistari; Rafsókn ehf rafvirkjameistari; Jón Svavarsson málarameistari; Rúnar Ingólfsson dúklagningameistari og Hendill ehf. múrarameistari.
Við tilefnið framkvæmdi Jónína Gunnarsdóttir forstöðumaður Iðju táknrænan gjörning. Saumaður hafði verið litríkur taupoki til að fanga tíðræddan góðan anda, sem ríkt hefur í Iðju við Aðalgötu, og við mikinn fögnuð viðstaddra var honum sleppt í hinu nýja húsnæði.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.