Litríkir og lokkandi ljósastaurar
Það var hátíðarbragur yfir Blönduósbæ þegar blaðamaður Feykis átti þar leið um sl. föstudag. Sólin var hátt á lofti, landsmótsfánar blöktu og víða mátti sjá skrautlega og litfagra ljósastaura sem vöktu athygli. Þær Magdalena Berglind Björnsdóttir og Erna Björg Jónmundsdóttir eru driffjaðrirnar í þessu prjónagraffverkefni svokölluðu.
„Það er búið að skreyta langleiðina út Húnabraut, Árbraut og á brúnni. Við reiknuðum með sautján staurum í upphafi og ég held við náum alveg að skreyta þá alla, og út Húnabrautina að auki, fyrir Húnavöku,“ sagði Berglind sem var að sauma utan um einn staurinn þegar blaðamanni bar að.
Hún sagði hugmyndina hafa kviknað fyrir síðustu Húnavöku eftir að hafa hrifist af verkum ReykjavikUndergroundYarnstormers, prjónagraffarahóp í Reykjavík.
„Mér fannst þetta svo rosalega flott. Ég var búin að sjá fyrir mér hvað það væri gaman að skreyta þessa aðalgötu hérna og leiða fólk að Kvennaskólanum þar sem þessi mikla handverksarfleifð er. Ég fór með þessa hugmynd til Jóhönnu Pálmadóttur á Textílsetrinu en þá var rétt að smella í Húnavöku, þannig að það var eiginlega of seint til þess að gera það almennilega. Hún sagði við mig: „Mundu bara eftir þessu eftir ár, talaðu við mig þá“.“
Nú eru þær farnar af stað af krafti. „Við auglýstum og þátttakan hefur farið fram út björtustu vonum,“ sögðu þær en hópurinn hittist í Kvennaskólanum á miðvikudagskvöldum og hafði komið saman þrisvar sinnum. Næsti fundur er í kvöld kl. 20 og eru allir velkomnir.
Berglind og Erna Björg eru í viðtali í Feyki sem kemur út í dag.
Fleiri fréttir
-
Viggó Jónsson hlaut Starfsbikar UMFT
feykir.is Skagafjörður, Íþróttir, Mannlíf, Lokað efni 08.04.2025 kl. 11.03Aðalfundur Aðalstjórnar Ungmennafélagsins Tindastóls fór fram mánudaginn 31. mars í Húsi Frítímans á Sauðárkróki. Þar fór fram hefðbundin dagskrá aðalfundar samkvæmt lögum félagsins. Á fundinum var veitt sérstök viðurkenning og Starfsbikarinn fyrir óeigingjarnt og öflugt sjálfboðaliðastarf. Féll sá heiður í hlut Viggós Jónssonar.Meira -
Kiwanismenn í nýju húsnæði
feykir.is Skagafjörður, Lokað efni 08.04.2025 kl. 09.40Nýtt húsnæði undir starfsemi Kiwanisklúbbsins Drangey í Skagafirði var tekið í notkun á dögunum en þeir félagar festu kaup á neðri hæð að Aðalgötu 14, þar sem Blómabúðin var. Félagið hefur verið húsnæðislaust í talsverðan tíma og er því stórum áfanga náð með þessum kaupum. Félagarnir í klúbbnum eru núna 22 og hafa þeir unnið hörðum höndum sl. vikur við að standsetja og gera fínt innandyra ásamt því að merkja húsið að utan. Allt þetta náðist fyrir 800 fundinn sem haldinn var þann 26. mars sl. en félagið var stofnað árið 1978.Meira -
Ríkisstjórnin samþykkir stuðning til bænda vegna kuldatíðar síðasta sumar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 09.12Ríkisstjórnin hefur samþykkt tillögu Hönnu Katrínar Friðriksson atvinnuvegaráðherra um að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Í frétt á Húnahorninu segir að síðasta sumar hafi verið óvenju kalt eða það kaldasta á landsvísu síðan árið 1998 samkvæmt Veðurstofunni.Meira -
Stólastúlkur mæta Keflavík í Keflavík í kvöld
feykir.is Skagafjörður, Íþróttir, Lokað efni 08.04.2025 kl. 08.45Það er hamagangur í öskjunni í körfuboltanum þessar vikurnar. Kvennalið Tindastóls mætir liði Keflavíkur suður með sjó í kvöld í þriðja leik liðanna í átta liða úrslitum Bónus deildar kvenna. Íslandsmeistarar Keflavíkur hafa verið ógnarsterkir í fyrstu tveimur leikjum liðanna og ljóst að Stólastúlkur þurfa að eiga toppleik í 40 mínútur ætli þær sér sigur í kvöld.Meira -
Hinrik Már í sumarafleysingarnar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 07.21Feykir auglýsti eftir afleysingamanni til starfa í sumar og sýndu nokkrir aðilar starfinu áhuga. Það fór svo að Hinrik Már Jónsson, ábúandi á Syðstu-Grund í Blönduhlíð, var ráðinn og hefur væntanlega störf um mánaðamótin maí/júní.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.