Je T'aime í Bifröst
Föstudagskvöldið 26. júní fóru fram hinir ákaflega hressilegu VSOT tónleikar fyrir fullri Bifröst. Tónleikar þessir hafa verið nánast árlegur viðburður síðustu ár en standa og falla með því hvort gítarséníið Þórólfur Stefánsson skýst í sumarheimsókn upp á skerið frá Jönköping í Svíþjóð og slær upp tónleikum í félagi við góða vini og fleiri flinka.
Fyrstur á svið að þessu sinni var unglingurinn Hákon Magnús Hjaltalín og flutti Hey Joe eftirminnilega að hætti Jimmy Hendrix. Næst var Skottubandið með Árna Gunn og Ægi Ásbjörns í forsvari. Dætur þeirra fóstbræðra, Ása Svanhildur og Áróra, tróðu upp með þeim og feðgarnir Sigvaldi og Gunni Rögnvalds hjálpuðu til við Fákana. Þá kom Tríó Pilla Prakkó með einkar þéttan og skemmtilegan Megasar-tribjút þar sem Pilli Prakkó Friðriks flutti fróðlegar tölur um lögin áður en talið var í.
Dætur Satans, með Magga Helga og Þórólf í frontinum, fylgdu rokkaðar í kjölfarið og því næst Contalgen Funeral sem er ein al skemmtilegasta hljómsveit sem hægt er að berja augum og eyrum. Þá var stemningin og hitinn í húsinu að nálgast suðumark og Andra Má þótti rétt að rífa sig úr að ofan við góðar undirtektir.
Að lokum steig VSOT-sveitin sjálf á svið og flutti nokkrar skínandi perlur með hjálp söngvara á borð við Sillu Vordísi og Magga Helga. Kynþokkaþrunginn flutningur Guðbrandar Guðbrandssonar og Sigríðar Ingimarsdóttur á hinu franska Je T'aime Moi Non Plus vakti einstaka lukku og þá fóru Sigvaldi Gunnars og Ægir á kostum í hinu rómaða July Morning sem Uriah Heep fluttu í denn. Rögnvaldur Valbergs organisti sólaði laglega á lyklaborðinu.
Stjarna kvöldsins var að venju Þórólfur Stefánsson sem kann flestum betur á gítar og hann endaði kvöldið sem forsöngvari í einkennislagi VSOT (Villtir svanir og tófa) sem er Flosabragurinn Það er svo geggjað. Þá var skellt í hópsöng og hávaðinn slíkur að eyru og innihöld þeirra börðust um eins og nýlandaðar bleikjur í fjöruborði. Rokk og ról.
Fleiri fréttir
-
Viggó Jónsson hlaut Starfsbikar UMFT
feykir.is Skagafjörður, Íþróttir, Mannlíf, Lokað efni 08.04.2025 kl. 11.03Aðalfundur Aðalstjórnar Ungmennafélagsins Tindastóls fór fram mánudaginn 31. mars í Húsi Frítímans á Sauðárkróki. Þar fór fram hefðbundin dagskrá aðalfundar samkvæmt lögum félagsins. Á fundinum var veitt sérstök viðurkenning og Starfsbikarinn fyrir óeigingjarnt og öflugt sjálfboðaliðastarf. Féll sá heiður í hlut Viggós Jónssonar.Meira -
Kiwanismenn í nýju húsnæði
feykir.is Skagafjörður, Lokað efni 08.04.2025 kl. 09.40Nýtt húsnæði undir starfsemi Kiwanisklúbbsins Drangey í Skagafirði var tekið í notkun á dögunum en þeir félagar festu kaup á neðri hæð að Aðalgötu 14, þar sem Blómabúðin var. Félagið hefur verið húsnæðislaust í talsverðan tíma og er því stórum áfanga náð með þessum kaupum. Félagarnir í klúbbnum eru núna 22 og hafa þeir unnið hörðum höndum sl. vikur við að standsetja og gera fínt innandyra ásamt því að merkja húsið að utan. Allt þetta náðist fyrir 800 fundinn sem haldinn var þann 26. mars sl. en félagið var stofnað árið 1978.Meira -
Ríkisstjórnin samþykkir stuðning til bænda vegna kuldatíðar síðasta sumar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 09.12Ríkisstjórnin hefur samþykkt tillögu Hönnu Katrínar Friðriksson atvinnuvegaráðherra um að verja allt að 725 milljónum króna til stuðnings við bændur sem urðu fyrir tjóni vegna óvanalegs og erfiðs tíðarfars á landinu sumarið 2024. Í frétt á Húnahorninu segir að síðasta sumar hafi verið óvenju kalt eða það kaldasta á landsvísu síðan árið 1998 samkvæmt Veðurstofunni.Meira -
Stólastúlkur mæta Keflavík í Keflavík í kvöld
feykir.is Skagafjörður, Íþróttir, Lokað efni 08.04.2025 kl. 08.45Það er hamagangur í öskjunni í körfuboltanum þessar vikurnar. Kvennalið Tindastóls mætir liði Keflavíkur suður með sjó í kvöld í þriðja leik liðanna í átta liða úrslitum Bónus deildar kvenna. Íslandsmeistarar Keflavíkur hafa verið ógnarsterkir í fyrstu tveimur leikjum liðanna og ljóst að Stólastúlkur þurfa að eiga toppleik í 40 mínútur ætli þær sér sigur í kvöld.Meira -
Hinrik Már í sumarafleysingarnar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 08.04.2025 kl. 07.21Feykir auglýsti eftir afleysingamanni til starfa í sumar og sýndu nokkrir aðilar starfinu áhuga. Það fór svo að Hinrik Már Jónsson, ábúandi á Syðstu-Grund í Blönduhlíð, var ráðinn og hefur væntanlega störf um mánaðamótin maí/júní.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.