Fjör í bakgarðinum hjá Eika og Bergrúnu á Menningarnótt
Menningarnótt var í Reykjavík í gær og voru tónleikar og gigg um alla borg. Talið er að um 100 þúsund manns hafi mætt á Austurvöll þar sem Rás2 hélt stórtónleika. Í bakgarðinum hjá Eika Hilmis og Bergrúnu Ingimars var slegið upp tónleikum sem kölluðust Niður hlíðar héðan og segir Bergrún að um 100-130 manns hafi verið í garðinum þegar mest var.
„Það var mikið stuð og mikið gaman og allir glaðir þegar þeir fóru og óskuðu að þetta yrði aftur að ári,“ segir Bergrún en þetta mun vera í annað skiptið sem þau eru með svona viðburð í bakgarðinum á Menningarnótt. „Þetta var mestmegnis gert til heiðurs Magnúsi Helgasyni sem lést fyrr á árinu,“ sagði Bergrún.
Dagskráin hófst kl. 14:00 með setningu og frumflutningi hátíðarlags 2024. Þar á eftir stigu Lame Dudes á svið, síðan Dúddarnir, þá hljómsveitin Skriða sem skartaði meðal annars stórtrommarann Sigurð Reynisson úr Drýsli og Sigurgeir Sigmundssyni úr Gildrunni. Það var síðan hin ástsæla ballsveit, Týról, sem lék við hvurn sinn fingur áður en Eiki sleit hátíðinni og spilaði tvö lög, annað með texta eftir Gyrði Elíasson.
Já, Reykjavík er okkar – eins og segir í texta.
Fleiri fréttir
-
Skólastúlkur hársbreidd frá sigri í Keflavík
feykir.is Skagafjörður, Íþróttir, Lokað efni 20.11.2024 kl. 23.37Stólastúlkur fengu verðugt verkefni í kvöld þegar þær heimsóttu Íslandsmeistara Keflavíkur í Blue-höllina í sjöundu umferð Bónus deildar kvenna. Stelpurnar okkar stóðu vel fyrir sínu en á lokamínútunum dró örlítið af liðinu og meistararnir mörðu sigur með einu stigi. Lokatölur 90-89,Meira -
Kjördæmaþáttur RÚV í beinu streymi á Feyki
feykir.is Skagafjörður, Austur-Húnavatnssýsla, Vestur-Húnavatnssýsla 20.11.2024 kl. 17.30Klukkan 18:10 í kvöld hefst fundur oddvita allra framboða í Norðvesturkjördæmi sem bjóða fram til kosninganna 30. nóvember nk. Þátturinn verður sendur út frá Ráðhúsi Akraneskaupstaðar en umfjölluninni stýra fréttamenn Ríkisútvarpsins, Freyr Gígja Gunnarsson og Gréta Sigríður Einarsdóttir. Allir oddvitar hafa boðað komu sína.Meira -
Ragnhildur sigraði Söngkeppnina á Menningarkvöldi NFNV
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 20.11.2024 kl. 13.31Menningarkvöld NFNV var haldið sl. föstudagskvöld í Íþróttahúsinu á Sauðárkróki. Mikill metnaður var settur í að gera kvöldið sem allra flottast. Ekki verður hægt að segja að veðrið hafi verið með nemendum í liði þetta kvöld, því veturinn skall á með látum og víða óveður og vetrarfæri sem setti þó ekki meira strik í reikninginn en það að rétt tæplega tvöhundruð manns létu veðrið ekki stoppa sig.Meira -
Börn á Íslandi, best í heimi!
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.11.2024 kl. 13.16Ef marka má tímann sem fer í samfélagsumræðu fullorðins fólks um aðstæður, líf og framtíð barna og ungmenna mætti ætla að börn hefðu aldrei haft það betra og að það að vinna með börnum og ungmennum séu mikilvægustu störf þjóðarinnar. Að vera foreldri og sinna fjölskyldulífi með börnum og ungmennum sé sannkallað virðingarhlutverk en ekki baggi á atvinnulífinu sem þurfi að leysa á sem ódýrastan hátt.Meira -
Himnastiginn tók flugið á ný
feykir.is Austur-Húnavatnssýsla, Lokað efni 20.11.2024 kl. 11.33Feykir sagði í fyrra frá því stórskemmtilega verkefni í Húnabyggð að byggja stiga upp á Skúlahól í Vatnsdalnum. Nú í byrjun september fauk stiginn, sem er kallaður Himnastiginn, hins vegar í sunnan hvassviðri og brotnaði en honum var fljótlega komið fyrir á ný. Nú fyrir helgi var bálhvasst í Vatnsdalnum og himnastiginn tók flugið á ný – mætti halda að hann sé í samkeppni við flugfélögin í áætlanarflugi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.